მოლდოვის მთელი რუსულ-კომუნისტური სპექტრი ჩამოვიდა კრემლის ღია აგენტის, იგორ დოდონის მეთაურობით, რომელიც თბილისში ვიზიტამდე ზუსტად ერთი დღით ადრე მოსკოვში იყო ვიზიტად - ნიკა გვარამია

"კოალიცია ცვლილებისთვის" ლიდერი, ნიკა გვარამია სოციალურ ქსელში წერს:

„ირანის ელჩს საქართველო არ უხსენებიაო, - ქოცებმა.

ამ სამარცხვინო და სულელური ტყუილით (თან, ირანელი დიპლომატის განცხადებიდან მესამე (!) დღეს) შეიზილეს ქოცებმა ჩვენი ქვეყნის და ჩვენი ხალხის შეურაცხყოფა. მაგათ ვინ დაეძებს, ჩვენს სამშობლოსაც შეაზელინეს.

ახლა კიდევ მოლდოვის მთელი რუსულ-კომუნისტური სპექტრი ჩამოვიდა კრემლის ღია აგენტის, იგორ დოდონის მეთაურობით, რომელიც თბილისში ვიზიტამდე ზუსტად ერთი დღით ადრე მოსკოვში იყო ვიზიტად. როსია 24-თან ინტერვიუში მან განაცხადა, რომ მოლდოვის პროევროპულმა კურსმა ქვეყანა კრიზისამდე მიიყვანა, ის კი რუსეთთან პირდაპირი დიალოგის მომხრეა.

ვინ იცის, ვისგან მოაქვს დოდონს "მოკითხვა" ივანიშვილთან?

რუბიოს ზარს პუტინის ემისარი რომ მოჰყვა კვალდაკვალ და ირანთან სამარცხვინო რევერანსი დაემატა, ამაზე დავფიქრდეთ, აჯობებს, კალაძის ბოდიალის ნაცვლად".