პოლიციამ თბილისში ნარკოდანაშაულის ბრალდებით ორი პირი დააკავა, ამოღებულია დიდი ოდენობით ნარკოტიკი
შინაგან საქმეთა სამინისტროს თბილისის პოლიციის დეპარტამენტის ძველი თბილისის მთავარი სამმართველოს თანამშრომლებმა დიდი ოდენობით ნარკოტიკული საშუალების უკანონო შეძენა-შენახვისა და რეალიზაციის ხელშეწყობის ბრალდებით ორი პირი დააკავეს, მათ შორის ერთი-ერთი წარსულში ნასამართლევი პირია. ინფორმაციას ამის შესახებ შსს ავრცელებს.
უწყების ცნობით, გამოძიება სისხლის სამართლის კოდექსის 260-ე და 260-ე კვარტა მუხლებით მიმდინარეობს, რაც 10 წლამდე ვადით თავისუფლების აღკვეთას ითვალისწინებს.
„სამართალდამცველების მიერ ბრალდებულების პირადი და საცხოვრებელი სახლების ჩხრეკის შედეგად ნივთმტკიცებად ამოღებულია სარეალიზაციოდ გამზადებული დიდი ოდენობით – 80 შეკვრად დაფასოებული ნარკოტიკული საშუალება გამომშრალი „მარიხუანა“.
ჩატარებული საგამოძიებო მოქმედებების შედეგად პოლიციის მიერ ასევე ამოღებულია ნარკოტიკული საშუალების დაფასოებისთვის საჭირო მასალები“, – ნათქვამია შსს-ს მიერ გავრცელებულ ინფორმაციაში.