ზვიად კუპრავას 2 წლითა და 6 თვის ვადით თავისუფლების აღკვეთა მიესაჯა
ოპოზიციონერ პოლიტიკოსს, ზვიად კუპრავას, რომელსაც სახელმწიფო ხელისუფლების დამხობისკენ მოწოდებას ედავებოდნენ, 2 წლითა და 6 თვის ვადით თავისუფლების აღკვეთა მიესაჯა.
აღნიშნული გადაწყვეტილება თბილისის საქალაქო სასამართლოს მოსამართლემ თამარ მჭედლიშვილმა მიიღო.
საქმე ეხება ზვიად კურპავას მიერ სოციალურ ქსელში გამოქვეყნებულ ვიდეოს, რომელიც გამოძიებამ ხელისუფლების დამხობისკენ მოწოდებებად ჩათვალა.
კუპრავა 4 ოქტომბრის აქციებამდე რამდენიმე დღით ადრე, პირველ ოქტომბერს დააკავეს.
ცნობისთვის, ზვიად კუპრავას ბრალი სსსკ-ის 317-ე და 353-ე მუხლებით ჰქონდა წარდგენილი, რაც საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ მოწოდებასა და ხელისუფლების წარმომადგენლის მიმართ მისი საქმიანობის შეწყვეტის მიზნით წინააღმდეგობას გულისხმობს.