უკან

პოლიტიკა

10 ივლისი, 2017 14:15
font-size

16 ივნისის შემდეგ გამოძიების მასალების გაცნობის საშუალებას არ გვაძლევენ - მუხთარლის ადვოკატი გიორგი მღებრიშვილს პასუხობს

აზერბაიჯანელი ჟურნალისტის, აფგან მუხთარლის ადვოკატი არჩილ ჩოფიკაშვილი შს მინისტრის, გიორგი მღებრიშვილის განცხადებას გამოეხმაურა, რომლის თანახმად, მუხთარლის ადვოკატს გამოძიების მასალები გადაეცა. ჩოფიკაშვილმა აღნიშნული ფაქტი უარყო და განაცხადა, რომ 16 ივნისის შემდეგ გამოძიების არც წერილობითი, არც ვიდეომასალის გაცნობის საშუალება არ ჰქონდა.

მუხთარლის ადვოკატი ვარაუდობს, რომ შესაძლებელია, მღებრიშვილი არ იყოს ინფორმირებული გამოძიების პროცესის შესახებ.

„აფგან მუხთარლის საქმის წერილობითი მასალების ერთჯერადად გაცნობის უფლება 13 ივნისს მომეცა, ასევე ერთჯერადად 16 ივნისს, ვიდეოჩანაწერების გაცნობის შესაძლებლობა, რომელიც ჰქონდა გამოძიებას.

ამ მომენტისთვის გამოძიებას ჰქონდა 8 ადგილიდან ამოღებული ვიდეოჩანაწერი (ჯამში დაახლოვებით 60 საათი). ძირითადი ვიდეომასალა ამოღებული იყო ბარათაშვილის ქუჩისა და მიმდებარე სათვალთვალო კამერებიდან, ვინაიდან ეს ვიდეომასალა ვერ უზრუნველყოფდა გამოძიების ინტერესებს, ასევე, ჩანაწერების ამოღება დაწყებული იყო 6 ივნისს (დაგვიანებით), ასევე, მოგროვებული იყო ასობით მოწმეთა ჩვენება, ვისაც არაფერი არ გაუგია და დაუნახავს (არარაციონალურად იხარჯებოდა გამომძიებლების დრო). სწორედ ამ ფაქტებმა ჩემი გაკვირვება გამოიწვია და წერილობით მოვითხოვე ნიაღვარის ქუჩის მიმდებარედ, აეროპორტის გზატკეცილსა და ლაგოდეხის სასაზღვრო გამშვები პუნქტიდან ვიდეოჩანაწერების ამოღება და ანალიტიკური დამუშავება.

16 ივნისიდან დღემდე, უშედეგოდ ვითხოვ, გადმომეცეს საქმის მასალების ასლები და მათ შორის ვიდეოჩანაწერების ასლები. 16 ივნისიდან, არ გვაძლევენ დამატებით საქმის გაცნობის შესაძლებლობასაც. ამ ფონზე, შსს მინისტრის განცხადება, რომ „ამოღებული ჩანაწერები ყველა იმ ადგილიდან, რომელიც სამართალდამცველებს აზერბაიჯანელი ჟურნალისტის ადვოკატმა მიუთითა, გადაეცა აფგან მუხთარლის ადვოკატსაც, თუმცა მას „არ მოეწონა“, რადგან გატაცება არ ჩანს.“ მიუთითებს, რომ ის ან არ არის სრულად ინფორმირებული ან, გამოძიება მხოლოდ გამოძიებისათვის ტარდება“, - დაწერა ჩოფიკაშვილმა ფეისბუკის საკუთარ გვერდზე.

ჩოფიკაშვილის თქმით, მუხთარლის საქმეში შსს-ის თანამშრომელთა შესაძლო ჩართულობის გამო, გამოძიებას მღებრიშვილის უწყება არ უნდა ახორციელებდეს.

„არასდროს არც მე და არც დაზარალებულ მხარეს არ გვქონია ილუზია, რომ გამტაცებლები ვიდეოკამერის წინ განახორციელებდნენ გატაცებას და ეს ასახული იქნებოდა სათვალთვალო კამერების მიერ.

ვიდეოჩანაწერების ანალიტიკური დამუშავებით უნდა დადგინდეს სატრანსპორტო საშუალება და მგზავრების ვინაობა, რომლებიც ფიქსირდება ნიაღვრის ქუჩის მიმდებარედ და შემდგომ აეროპორტის გზატკეცილის მიმართულებით საგარეჯომდე, პარალელურად, უნდა ხორციელდებოდეს ოპერატიული საქმიანობა, უნდა არსებობდეს პასუხი, მოხდა თუ არა კონკრეტული ვიდეოჩანაწერის განადგურება და ა.შ. და ა.შ. ვინაიდან, დაზარალებულის განცხადებით, აქ, შესაძლოა, გარეული იყვნენ შსს-ის თანამშრომლები, ვინაიდან, საზღვრის სამსახურმა არაფერი არ იცის, როგორ გადალახა საზღვარი დაზარალებულმა, ამ საქმეს უნდა იძიებდეს არა შსს. ერთი შეხედვით ყველაფერი მარტივია“, - დაწერა ადვოკატმა სოციალურ ქსელში.

ანა მებურიშვილი

დავით ზალკალიანი თურქ კოლეგას შეხვდა

24 სექტემბერი, 2018 , 11:05

საქართველოს საგარეო საქმეთა მინისტრმა დავით ზალკალიანმა ნიუ-იოკში ვიზიტის ფარგლებში შეხვედრა გამართა თურქეთის რესპუბლიკის საგარეო საქმეთა მინისტრთან მევლუთ ჩავუშოღლუსთან. შეხვედრაზე საუბარი შეეხო საქართველო-თურქეთის სტრა

2018 წლის 28 ოქტომბრის არჩევნებისთვის პრეზიდენტობის 25 კანდიდატია რეგისტრირებული

23 სექტემბერი, 2018 , 17:20

ცენტრალურ საარჩევნო კომისიაში (ცესკო) 2018 წლის 28 ოქტომბრის არჩევნებისთვის პრეზიდენტობის კანდიდატების რეგისტრაციის პროცესი დასრულდა.   საქართველოს პრეზიდენტის არჩევნებში ამ დროისთვის 25 კანდიდატი მონაწილეობს. მათგა

პირობას გაძლევთ, რომ მე თვითონ აქტიურად მივადევნებ თავლყურს - თამარ ჩუგოშვილი „ომეგა ჯგუფის“ საქმეზე

22 სექტემბერი, 2018 , 17:15

პარლამენტის თავმჯდომარის პირველმა მოადგილემ, თამარ ჩუგოშვილმა პირობა დადო, რომ „ომეგა ჯგუფისა“ და ტელეკომპანია „იბერიას“ საქმეს უფრო დეტალურად გაეცნობა. „ცალსახად უნდა დაიკითხონ, ცალსახად, გ

ხუთივე ფირზე დაიწყოს გამოძიება - გრიგოლ ვაშაძე „ომეგას“ საქმეზე

22 სექტემბერი, 2018 , 16:35

გაერთიანებული ოპოზიციის „ძალა ერთობაშია“ პრეზიდენტობის კანდიდატმა გრიგოლ ვაშაძემ მოითხოვა თბილისის პროკურატურისგან, რომ „ომეგა ჯგუფისა“ და „იბერია ტვ“-ის საქმეზე გამოქვეყნებულ ხუთივე ჩ

7% ვის მიჰქონდა, ვინ იყვნენ ეს ბიჭები? - გიორგი ფანცულაია “ომეგა ჯგუფის” საქმეზე

22 სექტემბერი, 2018 , 15:55

„ომეგა ჯგუფისა“ და ტელეკომპანია „იბერიას“ ადვოკატის გიორგი ფანცულაიას განცხადებით, ინფორმაციას თბილისის პროკურატურის მიერ მიმდინარე გამოძიებაზე „ომეგა ჯგუფის“ მხარე მიიღებს მას შემდეგ,

გაერო-ს ტრიბუნას გამოვიყენებთ საქართველოს პრობლემატიკის და ქვეყნის განვითარების ხედვების წარმოსაჩენად - დავით ზალკალიანი

22 სექტემბერი, 2018 , 14:30

საქართველოს საგარეო საქმეთა მინისტრის დავით ზალკალიანის განცხადებით, გაერო-ს გენერალური ასაბლეის 73-ე სესიაზე საქართველოს მთავრობის მეთაურის გამოსვლაში ყურადღება გამახვილდება საქართველოს ტერიტორიების ოკუპაციის პრობლემატი

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`