უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
2017 წელს ნატოს საქართველოსთან დაკავშირებით საკმაოდ დატვირთული გრაფიკი აქვს - ჯეიმს აპატურაი
ნატოს გენერალური მდივნის სპეციალური წარმომადგენლის კავკასიასა და ცენტრალურ აზიაში, ჯეიმს აპატურაის განცხადებით, 2017 წელი ნატო-ში პრაქტიკული თანამშრომლობის წელია, ხოლო პოლიტიკური გადაწყვეტილებებისთვის 2018 წელია განსაზღვრული.
ამის შესახებ აპატურაიმ „მოამბისთვის“ მიცემულ ინტერვიუში განაცხადა.
„მე აბსოლუტურად დარწმუნებული ვარ, რომ წელს ღია კარის პოლიტიკის შესახებ გადაწყვეტილებებს არც ერთ ქვეყანაზე არ მივიღებთ, ამიტომ, ეს არ უნდა იყოს პრიორიტეტი. პოლიტიკური განვითარებისთვის და გადაწყვეტილებისთვის ჩვენ უნდა მოვემზადოთ 2018 წლისთვის. 2017 პრაქტიკული თანამშრომლობის წელია. მაქვს დიდი იმედი იმისა, რომ მინი სამიტამდე მონტენეგრო ნატო-ს შემოუერთდება და ეს იქნება ღია კარის პოლიტიკის დასტური. ახლახან ნატოს სამიტზე მივიღეთ კონკრეტული ზომები და მათ იმპლემენტაციას უნდა მივყვეთ“,-აღნიშნა სპეციალურმა წარმოამდგენელმა.
საქართველოზე საუბრისას ჯეიმს აპატურაიმ აღნიშნა, რომ „საქართველოს მიმართ ნატოს ყურადღება არასდროს შესუსტებულა, საქართველოს აქვს ასპირანტ სახელმწიფოებს და პარტნიორ ქვეყნებს შორის ალიანსის მხრიდან ყველაზე დიდი მხარდაჭერა, რაც კონკრეტული ღონისძიებებით და მათ შორის არსებითი პაკეტით გამოიხატება. ნატო- რუსეთის საბჭოზეც განიხილეს და გენერალური მდივანი ყველა დონეზე შეხვედრის დროს საქართველოს მიმართ რუსეთის პოლიტიკაზე მუდმივად საუბრობს“.
მისი თქმით, 2017 წელს ნატოს საქართველოსთან დაკავშირებით საკმაოდ დატვირთული გრაფიკი აქვს.
„რამდენიმე დღეში ჩრდილოატლანტიკური საბჭო საქართველოს საგარეო საქმეთა მინისტრის მოადგილესა და თავდაცვის მინისტრის მოადგილეს შეხდება. განიხილავენ წლიურ ეროვნულ პროგრამას. ასევე შავი ზღვის უსაფრთხოებას. საქართველოს თავდაცვის მინისტრი შეხვდება ნატოს თავდაცვის უწყებების ხელმძღვანელებს. გარდა ამისა, ნატოს სამხედრო კომიტეტი საქართველოში ჩამოვა. მოხარული ვართ, რომ ნატოს საპარლამენტო ასამბლეას საქართველო მაისში უმასპინძლებს. ჩატარდება ელჩების დონეზე შეხვედრები, ნატო-საქართველოს კომისიის სხდომა, ასევე, არსებითი პაკეტით გათვალისწინებული წვრთნები“,-აღნიშნა ჯეიმს აპატურაიმ.
მონიკა დავლიანიძე