საზოგადოება

2017 წელს თბილისი რაგბის მსოფლიო ახალგაზრდულ თამაშებს უმასპინძლებს

თბილისის მერის დავით ნარმანიას ინფორმაციით, 2017-ის ერთ-ერთი მასშტაბური პროექტი იქნება, ასევე, რაგბის ახალი კომპლექსი, რომლის მშენებლობაც 2016 წელს დაიწყო.

როგორც ნარმანიამ თბილისის მთავრობის დღევანდელ სხდომაზე განაცხადა, 4 ჰა ტერიტორიაზე ოთხი მოედანი განლაგდება. პროექტი 1000 გულშემატკივარზე გათვლილ ტრიბუნას ითვალისწინებს.

მისივე თქმით, კომპლექსი მასშტაბურია და 2017 წელს თბილისი უმასპინძლებს რაგბის მსოფლიო ახალგაზრდულ, 20 წლამდელთა თამაშების ერთ ნაწილს.

ნინო ექვთიმიშვილი