უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
არქივი
საზოგადოება
2018 წლის 29 იანვრის მდგომარეობით ქვეყანაში აღირიცხა წითელას 102 შემთხვევა - დაავადებათა კონტროლის ეროვნული ცენტრი
დაავადებათა კონტროლის ეროვნულმა ცენტრმა 2017 წელს წითელას შემთხვევების ზრდა დააფიქსირა.
უწყების ცნობით, 2018 წლის 29 იანვრის მდგომარეობით ქვეყანაში აღირიცხა წითელას 102 შემთხვევა, აქედან აჭარის რეგიონზე 86 შემთხვევა მოდის.
ავადობის 34% მოდის 20 წლის ზევით ასაკობრივ ჯგუფზე, ხოლო 1 წლამდე ბავშვების ავადობის წილი 19.5%-ს შეადგენს, 100000 მოსახლეზე - 58.5, რაც თანდაყოლილი იმუნიტეტის დეფიციტზე მიუთითებს.
დაავადებათა კონტროლის ეროვნული ცენტრის განმარტებით, წითელათი ძირითადად ბავშვები ავადდებიან, თუმცა რისკის ქვეშ შეიძლება მოიქცეს ნებისმიერ ასაკის ადამიანი, თუკი მას აცრის შემდგომი ან ადრე გადატანილი წითელას ინფექციით განპირობებული იმუნიტეტი არა აქვს.
ცენტრის ინფორმაციით, წითელას აფეთქება ბოლოს 2013-2015 წლებში აღინიშნა. მაშინ 11 000-ზე მეტი ადამიანი დაინფიცირდა, ხოლო 4 შემთხვევა ლეტალურად დასრულდა.
„წითელას ვირუსის გადაცემა ხდება ჰაეროვანი გზით. კლინიკურად, წითელა ხასიათდება ცხელებით, სპეციფიკური გამონაყარითა და ზედა სასუნთქი გზებისთვის დამახასიათებელი სიმპტომებით. შემთხვევათა 30%-ში ადგილი აქვს დაავადების ისეთ გართულებებს, როგორიცაა ოტიტი, პნევმონია, დიარეა და პოსტინფექციური ენცეფალიტი. წითელას იშვიათი, მაგრამ ძალიან სერიოზული შორეული გართულებაა ქვემწვავე მასკლეროზირებელი პანენცეფალიტი, რომელიც შესაძლებელია განვითარდეს დაავადების გადატანიდან რამდენიმე წლის შემდეგ.
ბოლო წლებში, წითელას ეპიდემიოლოგიამ განიცადა მნიშვნელოვანი ცვლილება, რაც გამოიხატა შემთხვევათა შორის უფროსი ასაკის ბავშვებისა და მოზრდილების წილის ზრდაში.
საქართველოში 1990 წლიდან წითელას ფართომასშტაბიანი ეპიდემია რეგისტრირებული არ ყოფილა, 2004-2005 წლამდე, როდესაც აღირიცხა დაავადების 8 391 (უპირატესად უფროსი ასაკის ბავშვებსა და ახალგაზრდებში) და გარდაცვალების 9 შემთხვევა.
წითელას შემდეგი დიდი აფეთქება აღინიშნა 2013-2015 წლებში, როცა დაავადდა 11 000-ზე მეტი ადამიანი, უპირატესად მოზრდილები და 5 წლამდე ასაკის ბავშვები. აღნიშნული აფეთქებისას ლეტალურად დასრულდა 4 შემთხვევა. წითელას ეს ეპიდაფეთქებები უკავშირდება ერთი მხრივ, 1990-იან წლების დასაწყისში იმუნიზაციის პროგრამისა და 2008 წელს წითელას საწინაარმდეგო აცრების კამპანიის ჩავარდნას, რის შედეგადაც არასრულად აცრილ მოსახლეობაში დაგროვდა დიდი რაოდენობით არაიმუნური პირი, რომელიც უკვე მოზრდილ ასაკში დაავადდნენ, მეორე მხრივ კი, არაიმუნური ფენის დაგროვებას უმცროსი ასაკის ბავშვებში გეგმური ვაქცინაციით არასათანადო მოცვის გამო“, - ნათქვამია ცენტრის ინფორმაციაში.
ავადობის მაღალ რისკჯგუფში ხვდებიან აუცრელი ბავშვები, განსაკუთრებით ჩვილები, და არავაქცინირებული ორსული ქალები.
ცენტრის მტკიცებით, „დაავადების შემდგომი გავრცელების შეზღუდვის მიზნით წითელას ყველა შემთხვევის ირგვლივ ტარდება პრევენციული და კონტროლის ღონისძიებები ეპიდზედამხედველობის ლაბორატორიული დიაგნოსტირების ჩათვლით და იმუნიზაციის მიმართულებით: ბავშვთა გეგმური იმუნიზაციით მოცვის გაუმჯობესება და დროული ვაქცინაციის უზრუნველყოფა; წითელაზე საეჭვო შემთხვევებთან კონტაქტირებულთა ვაქცინაცია; 20 - 40 წლის არაიმუნური მოსახლეობის ვაქცინაცია; 40 წლამდე ყველა სამედიცინო მომსახურების მიმწოდებლების/თანამშრომლების იმუნიზაცია“.
დაავადებათა კონტროლის ეროვნულმა ცენტრა მოსახლეობას ვაქცინაციისკენ მოუწოდებს.