მსოფლიო

22 ივნისს გაეროში მოლდოვიდან რუსული ჯარების გაყვანის შესახებ რეზოლუციის პროექტს განიხილავენ

მოლდოვის საგარეო საქმეთა და ევროპული ინტეგრაციის მინისტრის, ტუდორ ულიანოვსკის ინფორმაციით, ხელისუფლებამ გაეროს სამდივნოში დაარეგისტრირა რეზოლუციის პროექტი, რომელიც ქვეყნის ტერიტორიიდან, კერძოდ დნესტრისპირეთიდან, რუსეთის შეიარაღებული ძალების ქვედანაყოფების გაყვანას ითვალისწინებს. რეზოლუციას გაერო 22 ივნისს განიხილავს.

ულიანოვსკის თქმით, დნესტრიპირეთში რუსეთი უკანონოდ იმყოფება 1500-1700 სამხედროსა და დაახლოებით 21 000 ტონა საბრძოლო მასალის სახით.

დაგეგმილი განხილვით უკმაყოფილება გამოთქვეს სეპარატისტებმა. მათი შეფასებით, ეს საკითხი დნესტრისპირეთის გარეშე არ უნდა განიხილებოდეს, ხოლო რუსი ჯარისკაცები რეგიონში მშვიდობისმყოფელთა მისიას ასრულებენ.