უკან

უახლესი ამბები

დღის კალენდარი

ანონსები

არქივი

მსოფლიო

29 ნოემბერი, 2019 17:25
font-size

$ 4 348 400 000 - აშშ-ის ფინანსური დახმარება საქართველოს, 28 წლის განმავლობაში

$4 348 400 000 (ოთხი მილიარდ სამასორმოცდარვა მილიონ ოთხასი ათასი) - ეს არის ფინანსური დახმარების ოდენობა, რომელიც საქართველომ აშშ-გან 28 წლის განმავლობაში მიიღო.

1992 წლიდან 2020 წლის ჩათვლით, დახმარების სახით, სხვადასხვა მიზნისთვის გამოყოფილი ფინანსების შესახებ ინფორმაცია, „კონგრესის კვლევითი სამსახურის“ ანგარიშშია საუბარი.

CRS-ის მონაცემებით, ევროპისა და ევრაზიის ქვეყნებს შორის,საქართველო ამერიკის შეერთებული შტატების საგარეო და სამხედრო დახმარების მიმღები წამყვანი ქვეყანაა.

1992-2000 წლებში აშშ-ის მთავრობამ საქართველოსთვის ჯამში $860 მილიონზე მეტი გამოყო. ეს წელიწადში, საშუალოდ, $96 მილიონია.

დეკადის ბოლო ნაწილში, შეერთებულმა შტატებმა საქართველოს ფინანსური დახმარება გაზრადა - საზღვრისა და საზღვაო დაცვის გაუმჯობესებისთვის; ამაში ასევე შევიდა სანაპირო დაცვის გაძლიერება და ტრანსნაციონალური დანაშაულის წინააღმდეგ ბრძოლისთვის საჭირო თანხები.

2000-იან წლებში, ევროპასა და ევრაზიაში, ერთ სულ მოსახლზე, საქართველო შეერთებული შტატების დახმარების მიმღები ყველაზე მსხვილი ქვეყანა გახდა. 2001-2007 წლების განმავლობაში, დახმარების ჯამმა $ 945 მილიონს გადააჭარბა. წელიწადში, საშუალოდ, $135 მილიონი.

2005 წელს, „ათასწლეულის გამოწვევის კორპორაციამ“ საქართველოს $295 მილიონი ღირებულების გრანტი გამოუყო. ხუთწლიანი გრანტი გზების, მილსადენების, მუნიციპალური ინფრასტრუქტურის რეაბილიტაციისა და აგრობიზნესის განვითარებისთვის იყო გამიზნული.

2001 წლის 11 სექტემბრის ტერაქტის შემდეგ, შეერთებულმა შტატებმა, საქართველოსთვის სამხედრო მიზნებისთვის განკუთვნილი ფინანსური დახმარება მნიშვნელოვნად გაზარდა. პრეზიდენტ ჯორჯ ბუშის ადმინისტრაციამ, საქართველო, იემენთან და ფილიპინებთან ერთად, ტერორიზმთან ბრძოლის მეორე ეტაპის ნაწილად განიხილა. ამის შემდეგ დაიწყო საქართველოში წვრთნისა და აღჭურვის პროგრამა.

2008 წელს, რუსეთის შეჭრის შემდეგ, შეერთებულმა შტატებმა, საქართველოსადმი დახმარება არსებითად გაზარდა. ამერიკის მთავრობამ დაუყოვნებლივ გამოყო $38 მილიონი ჰუმანიტარული და გადაუდებელი დახმარების მიზნებისთვის.

2008 წლის სექტემბერში, მაშინდელმა სახელმწიფო მდივანმა კონდოლიზა რაისმა განცხადა, რომ საქართველოსთვის საერთო დახმარების პაკეტის ღირებულება მინიმუმ 1,4 მილიარდი დოლარი იყო.

ჯამში, 2008-2009 ფისკალური წლის განმავლობაში, შეერთებული შტატების დახმარებამ $1.4 მილიარდს მიაღწია. ამ თანხაში შევიდა $250 მილიონი პირდაპირი საბიუჯეტო დახმარება და $100 მილიონი, რომელიც „ათასწლეულის გამოწვევის კორპორაციის“ ფონდს დაემატა. ამით, „ათასწლეულის გამოწვევის კორპორაციის“ ხუთწლიანმა გრანტმა $395 მილიონს მიაღწია.

2008 წლის რუსეთ-საქართველოს ომის შემდეგ, საქართველო კვლავ რჩება შეერთებული შტატების დახმარების ერთ-ერთ ყველაზე მსხვილ მიმღებად. 2010-2017 საბიუჯეტო წლების განმავლობაში, არასამხედრო მიზნებისთვის, ფინანსური დახმარება წლიურად, საშუალოდ, $60 მილიონი იყო. გარდა ამისა, 2014-2019 წლებში, „ათასწლეულის გამოწვევის კორპორაციამ“ საქართველოს 5 წლიანი გრანტი, $140 მილიონის ოდენობით გამოუყო. გრანტი ძირითადად, საგანმანათლებლო მიზნებისთვის იყო განკუთვნილი.

2019 წელს, ამერიკის კონგრესმა, არასამხედრო მიზნებისთვის, საქართველოს $89.8 მილიონი გამოუყო.

2020 ფისკალური წლისთვის, ასევე არასამხედრო მიზნებისთვის, პრეზიდენტმა დონალდ ტრამპმა საქართველოსთვის, $42.4 მილიონი მოითხოვა. წარმომადგენელთა პალატის და სენატის საფინანსო კომიტეტმა, რეკომენდებულ თანხად $89.8 მილიონი, გაორმაგებული დახმარება განსაზღვრა.

„CRS”-ს ევროპის საქმეთა სპეციალისტის, კორი უელტის ანგარიშში - „საქართველო: ფონი და შეერთებული შტატების პოლიტიკა,“ ორი ქვეყნის ურთიერთობების თითქმის ყველა ასპექტია მიმოხილული. ამასთან ერთად, ანგარიშში საუბარია საქართველოს უახლოესი წარსულის, ქვეყანაში მიმდინარე მოვლენების, რუსული ოკუპაციისა და ევროპულ და ევროატლანტიკურ სტრუქტურებთან ურთიერთობების შესახებ.

წყარო: ამერიკის ხმა

ბილ და მელინდა გეითსები განქორწინდნენ

4 მაისი, 2021 , 11:00

ბილ და მელინდა გეითსები 27-წლიანი თანაცხოვრების შემდეგ განქორწინდებიან. კომპანია „მაიკროსოფტის“ დამფუძნებელმა და მისმა მეუღლემ ამის შესახებ ინფორმაცია სოციალური ქსელით გაავრცელეს. „ხანგრძლივი ფიქრისა და

ისრაელში, ფესტივალზე ტრიბუნის ჩანგრევის შედეგად, 44 ადამიანი გარდაიცვალა, 150-ზე მეტი დაშავდა

30 აპრილი, 2021 , 12:35

ისრაელში, მერონის მთაზე ლა ბა-ომერის ფესტივალზე ტრიბუნის ჩანგრევისა და ჭყლეტვის შედეგად, 44 ადამიანი გარდაიცვალა, დაშავებულია 150-ზე მეტი. ზოგიერთი დაშავებულის მდგომარეობა კრი

ვირუსის დასამარცხებლად გასაკეთებელი ჯერ კიდევ ბევრია, სიფრთხილე უნდა შევინარჩუნოთ - ჯო ბაიდენი

29 აპრილი, 2021 , 11:00

ვირუსის დასამარცხებლად გასაკეთებელი ჯერ კიდევ ბევრია, – ეს განცხადება აშშ-ის პრეზიდენტმა, ჯო ბაიდენმა კონგრესში ყოველწლიური სიტყვით გამოსვლის დროს გააკეთა. მისი თქმით, ის დაპირდა მოქალქეებს, რომ 100 დღეში 100 მილიო

ამერიკელი ინვესტორები ქართულ სტარტაპებს ნახევარი მილიონი აშშ დოლარით დააფინანსებენ - საგარეო უწყება

16 აპრილი, 2021 , 15:10

სან-ფრანცისკოში საქართველოს გენერალური საკონსულოს ორგანიზებითა და ხელშეწყობით, საქართველოს ინოვაციების და ტექნოლოგიების სააგენტოსა (GITA) და ამერიკელი კერძო ინვესტორების ჯგუფს „TECH Friends of Georgia“ შორის

ნატო-ს მოკავშირეები ავღანეთიდან შეიარაღებული ძალების გაყვანას პირველ მაისამდე დაიწყებენ

15 აპრილი, 2021 , 10:25

ნატო-ს მოკავშირეები ავღანეთიდან შეიარაღებული ძალების გაყვანას პირველ მაისამდე დაიწყებენ. ამის შესახებ ჩრდილოატლანტიკური საბჭოს მინისტერიალის მიერ გავრცელებულ განცხადებაშია აღნიშნული. „იმის გათვალისწინებით

რუსეთი თურქეთთან ავიამიმოსვლას დროებით აჩერებს

13 აპრილი, 2021 , 11:18

რუსეთი თურქეთთან ავიამიმოსვლას შეაჩერებს, ამის მიზეზად მოსკოვში თურქეთში გაუარესებულ  ეპიდსიტუაციას ასახელებენ. ინფორმაციას „რია ნოვოსტი“ წყაროზე დაყრდნობით ავრცელებს. რუსული მედიის ი

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი