უკან

დღის კალენდარი

ანონსები

არქივი

საზოგადოება

17 მაისი, 2018 13:05
font-size

41 ორგანიზაცია ბავშვთა ჰომოფობიური ბულინგისა და ძალადობისაგან დასაცავად მთავრობას ქმედითი ნაბიჯებისკენ მოუწოდებს

41 ორგანიზაცია ბავშვთა ჰომოფობიური ბულინგისა და ძალადობისაგან დასაცავად მთავრობას ქმედითი ნაბიჯებისკენ მოუწოდებს.

"ძალადობისგან ბავშვთა დაცვა საქართველოში დღესდღეობით განსაკუთრებით აქტუალურ პრობლემას წარმოადგენს. ძალადობის ფორმებს შორის ერთ-ერთი მწვავე ფორმა ჰომოფობიური ბულინგია, რომელიც მოიცავს მოზარდების ბულინგს განსხავებული შეხედულებების, გარეგნობისა თუ ქცევის გამო.

ჩვენ, როგორც ბავშვთა უფლებებზე მომუშავე ორგანიზაციების კოალიცია, მოვუწოდებთ მთავრობას, ყველა ბავშვისათვის შექმნას გარანტირებულად უსაფრთხო გარემო, რომელიც თავისუფალი იქნება დისკრიმინაციისა და ძალადობისგან, მოახდინოს ჰომოფობიური ბულინგის ეფექტური პრევენცია და აღმოფხვრა, მოზარდების სტიგმატიზირების და გარიყვის თავიდან აცილება.

საქართველოში არ არსებობს ბულინგის (მათ შორის ჰომოფობიური ბულინგის) იდენტიფიცირებისა და დაძლევის ერთიანი მექანიზმი, რომელშიც პრევენციის მიდგომები ფართოდ იქნებოდა გამოყენებული. იდენტობისა და ორიენტაციის გამორკვევის პროცესში მყოფ მოზარდებს, სჭირდებათ განსაკუთრებული თანადგომა ოჯახში, სკოლასა და საზოგადოებაში.

,,კოალიცია ბავშვებისა და ახალგაზრდებისთვის“, როგორც ბავშვთა კეთილდღეობის საკითხებზე მომუშავე 41 ორგანიზაციის ქსელი, გმობს მოზარდის სტიგმატიზაციას გენდერული იდენტობის, ფიზიკური და ინტელექტუალური შესაძლებლობების, ეთნიკური და რელიგიური წარმოშობისა და მიკუთვნებულობის მიუხედავად! ყველა ბავშვს აქვს უფლება, იყოს დაცული და ჰქონდეს განვითარების შესაძლებლობა. ჩვენ მოვუწოდებთ საქართველოს მთავრობის ყველა პასუხისმგებელ უწყებას, განახორციელონ ქმედითი ღონისძიებები, რათა:

გადაიხედოს ბავშვთა ძალადობისგან დაცვის ერთიანი რეფერალური მექანიზმი, რათა მოხდეს მოზარდების ეფექტური დაცვა ჰომოფობიური ბულინგისგან;

განვითარდეს ქართულენოვანი საინფორმაციო რესურსები და ონლაინ პლატფორმები, მშობლებისა და ახალგაზრდებისთვის სრულფასოვანი ინფორმაციის, არსებული თანადგომის მექანიზმებისა და ონლაინ კონსულტაციის მიღებისთვის;

უზრუნველყოფილ იქნეს საჯარო სკოლაში მომუშავე პერსონალის ცნობიერების ამაღლება და პროფესიული გადამზადება ჰომოფობიური ბულინგის იდენტიფიკაციისა და ამ ტიპის ბულინგზე სწორი რეაგირების ფორმების შესახებ;

უზრუნველყოფილ იქნეს სოციალური მომსახურებების, მათ შორის, სოციალური მუშაკებისა და ოჯახის ჩამნაცვლებელი მომსახურებების პერსონალის გადამზადება;

შეიქმნას შესაბამისი კომპეტენციის მქონე ფსიქო-საკონსულტაციო სამსახურები, თემის და სკოლის დონეზე;

დაიწყოს საზოგადოების ცნობიერების ამაღლების ხანგძლივი კამპანია ჰომოფობიური ბულინიგს რისკებისა და გადაჭრის გზების შესახებ" - აღნიშნულია გავრცელებულ განცხადებაში, რომელსაც ხელს აწერენ:

საქართველოს ბავშვები, საქართველოს სოციალურ მუშაკთა ასოციაცია, საქართველოს ეს-ო-ეს ბავშვთა სოფელი, გადავარჩინოთ ბავშვები საქართველოს ფილიალი, პარტნიორობა ადამიანის უფლებებისთვის, World Vision საქართველო, პარტნიორობა ბავშვებისათვის, პირველი ნაბიჯი საქართველო, საზოგადოებრივი ჯანდაცვის ფონდი, ასოციაცია ანიკა, გლობალური ინიციატივა ფსიქიატრიაში, თანადგომა, საერთაშორისო ასოციაცია “კივიტას გეორგიკა”, ლეიკოზიით დაავადებულ ბავშვთა დახმარების საერთაშორისო ასოციაცია, მაკლეინის ასოციაცია ბავშვებისათვის, საქართველოს კარიტასი, სტუდია ეიდისი, ასოციაცია უფლება ჯანმრთელობაზე, ქალთა საინფორმაციო ცენტრი, ძალადობისაგან დაცვის ეროვნული ქსელი, მცირე საოჯახო სახლების ასოციაცია, ჩვენი სახლი საქართველო, წამების მსხვერპლთა ფსიქოსოციალური და სამედიცინო რეაბილიტაციის ცენტრი – GCRT, ინიციატივა მოწყვლადი ჯგუფების რეაბილიტაციისათვის, საზოგადოება „ბილიკი“, არაძალადობრივი კომუნიკაციის ინსტიტუტი, კავშირი “იმედიპლიუსი“, ასოციაცია ბავშვი და ოჯახი, სმენისა და მეტყველების დარღვევის მქონე ბავშვთა დახმარების ასოციაცია (მშობელთა კავშირი), კეთილდღეობისა და განვითარების ცენტრი, კავშირი “ორიონი”, ინიციატივა სოციალური ცვლილებებისათვის, რუსთავის საერთაშორისო სკაუტური ცენტრი, ახალგაზრდა პედაგოგთა კავშირი, დივაინ ჩაილდ ფაუნდეიშენ ოფ ჯორჯია, პარტნიორობა სოციალური კეთილდღეობისათვის-პსკ, “ბავშვთა კეთილდღეობის ლიგა”, ბავშვი, ოჯახი, საზოგადოება, ლეიკოზით დაავადებულ ბავშვთა დახმარების საერთაშორისო საქველმოქმედო ფონდი, ძალადობისაგან დაცვის ეროვნული ქსელის მცხეთა-მთიანეთის კომიტეტი, თანაბარი შესაძლებლობების პოლიტიკის და ადვოკატირების ინსტიტუტი.

საკვანძო სიტყვები:

`საქართველო უსაფრთხო ქვეყნად რჩება, გრიპზე გავრცელებული ინფორმაცია გადაჭარბებულია`

23 იანვარი, 2019 , 17:39

საქართველოს ტურიზმის ეროვნული ადმინისტრაცია უცხოელი ვიზიტორებისთვის სპეციალურ განცხადებას ავრცელებს. ორგანიზაციის განცხადებით, საქართველოში მოგზაურობა უსაფრთხოა, ხოლო მედიაში სეზონურ გრიპთან დაკავშირებით გავრცელებული ინფ

ამ ერთ პატარა მოგონებაში რამდენი ეპითეტი დაგროვდა ბუნებრივად: კარგი, ნიჭიერი, პროფესიონალი, წესიერი, თავაზიანი - ნატო ჩხეიძე ლევან ჩხაიძეს იხსენებს

23 იანვარი, 2019 , 16:11

პარლამენტის წევრი ნატო ჩხეიძე ჟურნალისტ ლევან ჩხაიძის გარდაცვალებას ეხმიანება და სოციალურ ქსელში წერს: „ძალიან, ძალიან სამწუხარო ამბავია ახალგაზრდა კარგი კაცის წასვლა ამ სოფლიდან... „იბერიაში“ პოლიტიკურ

არ იყო იქ ცემა, შეხლა-შემოხლა იყო - სპორტსმენების ნაწილი გეგა გეგეშიძის გათავისუფლების მოთხოვნით აქციას მართავს

23 იანვარი, 2019 , 16:06

მოჭიდვეების ნაწილი ჭიდაობის ფედერაციის შენობასთან იკრიბება და ფედერაციის პრეზიდენტის დაკავებას აპროტესტებს. ისინი სპორტის სასახლეში მომხდარი დაპირისპირების ინციდენტს უწოდებენ.  „არაფერი დანაშაული არ იკვეთება,

გარდაცვლილი გოგონას ოჯახიდან ძალადობაზე შეტყობინება 6 იანვრამდე არ შემოსულა - სოციალური მომსახურების სააგენტო

23 იანვარი, 2019 , 15:54

სოციალური მომსახურების სააგენტოს მეურვეობა-მზრუნველობისა და სოციალური პროგრამების დეპარტამენტის უფროსი მარი წერეთელი აცხადებს, რომ ოთხი წლის გოგონა, რომელიც გუშინ ნაძალადევის რაიონში გარდაიცვალა, სახელმწიფო ზრუნვის ქვეშ

თბილისში დამატებითი ქუჩები განისაზღვრება, სადაც მიკროავტობუსები გაჩერებას მხოლოდ კონკრეტულ ადგილებზე შეძლებენ

23 იანვარი, 2019 , 15:19

თბილისის მერმა კახა კალაძემ თავის მოადგილეს, მაია ბითაძეს დაავალა, უკვე არსებული 14 ქუჩის გარდა, განისაზღვროს დამატებითი ქუჩები, რომლებზე მოძრავ მიკროავტობუსებს მგზავრების აყვანა-ჩამოსმის ვალდებულება მხოლოდ გაჩერებებზე ე

სამგორის რაიონში არსებული სამხედრო დასახლების შიდა ტერიტორიას თბილისის მერია მოაწყობს

23 იანვარი, 2019 , 15:16

თბილისში, სამგორის რაიონში არსებული სამხედრო დასახლების შიდა ტერიტორია, რომელიც თავდაცვის სამინისტროს ბალანსზეა, უახლოეს პერიოდში დედაქალაქის მუნიციპალიტეტს გადაეცემა და მას თბილისის მერია კეთილმოაწყობს, – ამის შეს

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`