უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
კომენტარი
5 წლის თავზე დაიდო შედეგი, ამიერიდან, `პრემიას` დაერქმევა `ჯილდო`- ზაზა ბიბილაშვილი
მთავრობის ახალ ინიციატივას, რომლის მიხედვით, „პრემიას“ „ჯილდო“ დაერქმევა და ის წლიური ხელფასის 10%-ით განისაზღვრება, „ნაციონალური მოძრაობის“ წევრი ზაზა ბიბილაშვილი გამოეხმაურა.
„5 წლის წინ, როცა ამათი კოლექტიური სიხარბისა და კოლოსალური პრემიების ამბავი გასკდა, ქოცებმა თქვეს, პრემიების აღების ვალდებულება "უმძიმესი მემკვიდრეობის" ნაწილიაო და უცხოელი მრჩევლები მოიწვიეს, რათა მოენახათ გზა, როგორ აღარ აეღოთ პრემიები (ალბათ იმათაც წილში ჩაუჯდნენ)
გამოხდა ხანი. სანამ მრჩევლები მუშაობდნენ, ესენი ხრავდენ ბიუჯეტს, იტაცებდნენ სახელმწიფო ქონებას, ნერგავდნენ "ატკატების" პრაქტიკას, აფეთქებდნენ საყდრისს, 1 ლარად ასხვისებდნენ პუშკინის სკვერს და თაბორის მთას, ინაცვლებდნენ სოციალურად დაუცველთა სიიდან მილიონერთა სიაში...
მაგრამ, როგორც აღმოჩნდა, ღირდა ლოდინად! - 5 წლის თავზე მაინც დაიდო შედეგი! - კანონპროექტი, რომლის მიხედვითაც, ამიერიდან, "პრემიას" დაერქმევა "ჯილდო"!“,-დაწერა პოლიტიკოსმა.
მონიკა დავლიანიძე