უახლესი ამბები
არქივი
პოლიტიკა
5 წლის წინ დაფუძნებულმა ,,ქართულმა ოცნებამ’’ საქართველოში რეალური, დემოკრატიული ცვლილებები დაიწყო - გიორგი კვირიკაშვილი
საქართველოს პრემიერ-მინისტრის, გიორგი კვირიკაშვილის განცხადებით, ქართული ოცნების 5 წლის წინ დაფუძნებულმა პარტიამ, ,,ქართულმა ოცნებამ,’’ საქართველოში რეალური, დემოკრატიული ცვლილებები დაიწყო.
"დღევანდელ დღეს, 5 წლის წინ, ბიძინა ივანიშვილის მეთაურობით დაფუძნდა ახალი პოლიტიკური პარტია ქართული ოცნება - დემოკრატიული საქართველო, რომელიც დაუპირისპირდა რეპრესიულ მმართველობით სისტემას და დაიწყო ბრძოლა ავტორიტარული რეჟიმის წინააღმდეგ. პარტია ქართული ოცნება - დემოკრატიული საქართველოს პოლიტიკურ სივრცეში გამოჩენამ გააჩინა იმედი იმისა, რომ სწორედ ეს პოლიტიკური ძალა ხალხთან ერთად დაამარცხებდა მოძალადე ხელისუფლებას და სახელმწიფო ნორმალური განვითარების გზას დაადგებოდა.
სწორედ 5 წლის წინ, ბიძინა ივანიშვილმა ახლადშექმნილ პოლიტიკურ ძალასთან ერთად დაიწყო უკომპრომისო ბრძოლა და, თვეების განმავლობაში რეპრესიების, დარბევების, უკანონო დაპატიმრებების მიუხედავად, უსისხლოდ, ბრძოლის ერთადერთი იარაღით - პოლიტიკური მეთოდებით, არჩევნების გზით დაამარცხა არსებული რეჟიმი", - განაცხადა პრემიერმა.
მისივე თქმით, ქართული ოცნების მიზანია ერთიანი, დემოკრატიული და ძლიერი საქართველო, სახელმწიფო, რომელიც თითოეული მოქალაქის უფლებებისა და კეთილდღეობისთვის ზრუნავს.