კომენტარი

7 თვეზე მეტ ხანს დეკანოზი მაღაზიით ვერ სარგებლობდა - გიორგი ფანცულაია

ე.წ ციანიდის საქმეზე მსჯავრდებულის დეკანოზ გიორგი მამალაძის ადვოკატის გიორგი ფანცულაიას თქმით, შვიდი თვის განმავლობაში დეკანოზს ციხის მაღაზიით სარგებლობის უფლება არ ქონდა.

ფანცულაიას განმარტებით, ამის მიზეზად დეკანოზის“ მოწამვლის მიზეზი“ სახელდებოდა.

„პრაქტიკულად 7 თვეზე მეტხანს მას არ აძლევდნენ ციხის ტერიტორიაზე არსებული მაღაზიით სარგებლობის უფლებას. ის არის სასულიერო პირი. მარხვის პერიოდში, ჩვეულებრივ საკვებს, რაც მას ეკუთვნოდა, ვერ იღებდა რადგან არ იყო სამარხვო და როცა სურდა რაიმე სამარხვო ეყიდა მაღაზიაში, მას ამის საშუალებას არ აძლევდნენ. მიზეზი სხვადასხვა იყო. ხან ეუბნებოდნენ, რომ ვინმემ არ მოგწამლოს, ხან იმას რომ შენ გიფრთხილდებით და ა.შ.“, - აღნიშნა ადვოკატმა.

მისი თქმით, ვითარება დაახლოებით 2 კვირაა რაც გამოსწორდა.

მონიკა დავლიანიძე