საზოგადოება

„ადეიშვილთან იცით, ვინ დაარბენინებდა ამ ჩანაწერებს? - ვანო ზარდიაშვილი! ამ კაცმა იცის ზედმიწევნით ყველაფერი“

ბოლოს გავრცელებული ვერსიით, ეკა ბესელიასთან დაკავშირებული ფარული კადრების გავრცელების თაობაზე გაიჟღერა, რომ ის სომხეთის ციხიდან იქნა ატვირთული.

რამდენად რეალურია ეს ვერსია? რა ხდება სინამდვილეში - ვინ იღებდა აღნიშნულ ფარულ ვიდეოკადრებს, სად, რა ფორმით და ვისთან ინახებოდა გადაღებული ფარული ფირები?

«ალიას» ადვოკატი ზურაბ ჯორბენაძე ესაუბრა:

- ფარული ჩანაწერები, რომლებიც პოლიტიკურ ოპონენტებზე კეთდებოდა, ერთი პირი ინახებოდა კუდში ან ცენტრალურ სადაზვერვო სამსახურში, მეორე პირი მიდიოდა ადეიშვილთან და მესამე, მიშა სააკაშვილთან, თუკი მიშა გამოთქვამდა ამის სურვილს. ყველა ფაილზე მითითებული იყო, ვის მიერ იყო ჩაწერილი, ვინ იყო ჩაწერილი და თარიღი და ადგილი. ადეიშვილთან იცით, ვინ დაარბენინებდა ამ ჩანაწერებს? - ვანო ზარდიაშვილი! ამ კაცმა იცის ზედმიწევნით ყველაფერი და არ დაიღალნენ ამდენი სისულელით? ადეიშვილის შნირი, რომელიც ყველაფერ ამ სიბინძურეში იყო გარეული, ხელისუფლებაში გვიზის და თვალებში ნაცარს გვაყრიან. ღარიბაშვილის დროს რომ ის ფაილები გაანადგურეს, იმ ფაილებზე ყველა ინფორმაცია ეწერა, ვის მიერ იყო გაკეთებული და ა.შ. ფაქტობრივად, მტკიცებულებები გაანადგურეს და ახლა რაც ხდება, ყველაფერი არის ფარსი და სპექტაკლი.

სრული ვერსიის ნახვა: „ალია“ #5