საზოგადოება

„აეროსმიტის“ კონცერტთან დაკავშირებით ,,საქართველოს რკინიგზა’’ დამატებით რეისს ნიშნავს

,,საქართველოს რკინიგზა’’ „აეროსმიტის“ კონცერტზე დასასწრებად მიმავალი მგზავრების თხოვნით, კონცერტის დასრულების შემდეგ ქ. თბილისში დასაბრუნებლად კიდევ ერთ დამატებით რეისს ნიშნავს.

აღნიშნულთან დაკავშირებით კომპანია განცხადებას ავრცელებს.

,,პატივცემული მგზავრებო!

„აეროსმიტის“ კონცერტზე დასასწრებად მიმავალი მგზავრების თხოვნით, საქართველოს რკინიგზა კონცერტის დასრულების შემდეგ, ქ. თბილისში დასაბრუნებლად კიდევ ერთ დამატებით რეისს ნიშნავს(#859). მატარებელი „ბლექსი არენასთან“ მდებარე ახალი სარკინიგზო ბაქნიდან 01:50 გამოვა და ქ. თბილისში ჩამოვა 06:30. ბილეთები იყიდება, როგორც ცენტრალური ვაგზლის სალაროებში, ასევე ელექტრონულად და სწრაფი გადახდის აპარატებით. გთხოვთ იჩქაროდ, ბილეთების რაოდენობა შეზღუდულია’’, - ნათქვამია საქართველოს რკინიგზის განცხადებაში.