კომენტარი

აფგან მუხთარლის საქმეში საზოგადოებრივმა აზრმა გამოძიებაზე გავლენა არ უნდა იქონიოს - დავით სერგეენკო

საქართველოს ჯანდაცვის მინისტრის, დავით სერგეენკოს განცხადებით, ჟურნალისტ აფგან მუხთარლის საქმესთან დაკავშირებით მაღალი საზოგადოებრივი ინტერესის არსებობა მნიშვნელოვანია, მაგრამ ამან გამოძიებაზე გავლენა არ უნდა იქონიოს.

როგორც სერგეენკომ აღნიშნა, საზოგადოებამ გამოძიებას საქმის დეტალური გამოკლევის საშუალება უნდა მისცეს.

„მე ვფიქრობ, რომ ჩვენ ცალსახად უნდა მივცეთ გამოძიებას იმის საშუალება რომ დეტალურად გამოიკვლიონ ეს ყველაფერი. არ მოექცნენ ან საზოგადოებრივი აზრის, ან რაიმე სხვა ფაქტორის გავლენის ქვეშ და რეალურად ნახონ რა იყო და როგორ იყო. კიდევ ერთხელ, მაღალი საზოგადოებრივი ინტერესი ძალიან მნიშვნელოვანია, მაგრამ ამან გავლენა არ უნდა იქონიოს გამოძიებაზე და მჯერა, რომ ეს ასეც იქნება. მე ვფიქრობ, რომ გადაწყვეტილებები იქნება მიღებული სწორი და ობიექტური“,-განაცხადა სერგეენკომ.

მონიკა დავლიანიძე