პოლიტიკა
ახლა არ არის გლოვისა და თავზე ნაცრის დაყრის დრო - მიხეილ სააკაშვილი
საქართველოს ექს-პრეზიდენტმა, მიხეილ სააკაშვილმა მხარდამჭერებს სამოქმედო გეგმის დასახვის მიზნით ფილარმონიაში, 18:00 საათისთვის დაგეგმილ შეხვედრაზე მისვლისკენ მოუწოდა.
მისივე თქმით, დღეს გადამწყვეტი პერიოდია ქვეყნისთვის და სწორედ ახლა მოქმედების დროა.
„18:00 საათზე, თბილისის დროით, ვიკრიბებით ფილარმონიაში. მე მინდა, ვუთხრა ხალხს, ახლა არ არის გლოვისა და თავზე ნაცრის დაყრის დრო. ახლა არის ორგანიზებისა და ბრძოლის გაგრძელებისა და უფრო ინტენსიურ ფაზაში გადაყვანის დრო. ჩვენ ვკარგავთ ჩვენს სამშობლოს, ასე რომ, მე დარწმუნებული ვარ, რომ ახლა არა მხოლოდ ხელების ჩამოშვების დრო არ არის, დგება გადამწყვეტი პერიოდი. 18:00 საათზე ფილარმონიაში გაერთიანებული ოპოზიცია იმსჯელებს, მეც შემოგიერთდებით სკაიპით, ჯერჯერობით, და ზუსტად გავწეროთ ყველამ ერთად, მოვიფიქროთ, სად მივდივართ შემდეგ ეტაპზე,“ - განაცხადა სააკაშვილმა.
ცნობისთვის, გაერთიანებული ოპოზიციის ლიდერები 18:00 საათზე ფილარმონიაში მხარდამჭერებს ხვდებიან.