პოლიტიკა
ახლა ჯერი ევროპის საბჭოზეა _ ჰანს ვან ბაალენი
"საქართველომ და უკრაინამ შეასრულეს ვიზალიბერალიზაციისთვის საჭირო ყველა პირობა, რომელიც ევროპის კომისიამ დაადგინა. ახლა ჯერი ევროპის საბჭოზეა, რათა მიიღოს დადებითი გადაწვეტილება ვიზების ლიბერალიზაციასთან დაკავშირებით. ეს გადაყვეტილება არ უნდა გადაიდოს.",- განაცხადა ევროპის ლიბერალ-დემოკრატიული პარტიების ალიანსის (ALDE) პრეზიდენტმა, ჰანს ვან ბაალენმა.
ლიბერალ-დემოკრატიული პარტიების ალიანსის ხელმძღვანელის განცხადებას საქართველოს რესპუბლიკური პარტია ავრცელებს.
საქართველოსა და უკრაინის დეგელეგაციების თანამშრომლობის შედეგად, ALDE-ს პრეზიდენტმა ჰანს ვან ბაალენმა ეს განცხადება ვარშავაში გამართულ კონგრესზე გააკეთა.
რესპუბლიკური პარტიის თავმჯდომარე ხათუნა სამნიძე და პარტიის მდივანი თამარ ხიდაშელი ALDE-ს 37-ე კონგრესს ევროპის 41 ქვეყნის 61 ლიბერალ-დემოკრატიული პარტიის წარმომადგენელთან ერთად ეწსრებიან.
ისინი პრეზიდენტ ბაალენს 2 დეკემბერს შეხვდნენ და სამომავლო თანამშრომლობასა და საქართველოში მიმდინარე მოვლენებზე ესაუბრნენ.
საქართველოს რესპუბლიკური პარტია ლიბერალ-დემოკრატიული პარტიების ალიანსს (ALDE) 2006 წელს შეუერთდა.