უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
არქივი
პოლიტიკა
ამ ყველაფერს აქვს პოლიტიკური სარჩული - კლუბ „ბასიანის“ დამფუძნებელი
პოლიციის მთავარ სამმართველოში კლუბ „ბასიანის“ დამფუძნებლის, ზვიად გელბახიანის 3-საათიანი დაკითხვა დასრულდა. გელბახიანის თქმით, მას კითხვები დაუსვეს ნარკორეალიზაციასთან დაკავშირებით.
„რეალიზაციის ნაწილში იყო კითხვა, რომ თუ შევამჩნიე ვინმე ტერიტორიაზე, რაზეც ვუპასუხე, რომ ჩვენ მაქსიმალურად ვცდილობთ, რომ მსგავსი ფაქტები აღვკვეთოთ და ჩვენი დაცვის წევრები ყოველთვის ცდილობენ, რომ იმ შემთხვევაში თუ რამე გამოვლინდა ეს აღკვეთონ. მაგრამ ეს ჩვენი მხრიდან, მენეჯმენტის მხრიდან შემჩნეული არ იყო“, - განაცხადა გელბახიანმა დაკითხვის შემდეგ.
„ბასიანის“ დამფუძნებლის თქმით, თუ მას დაეკისრება პასუხისმგებლობა კლუბში ნარკოტიკების შეღწევის გამო, მაშინ შინაგან საქმეთა მინისტრი უნდა გადადგეს ნარკოტიკული საშუალებების საზღვარზე შემოტანის გამო.
„იმ შემთხვევაში თუ საზღვარზე შემოდის ნარკოტიკები, მაშინ ყოველი შინაგან საქმეთა მინისტრი უნდა გადადგეს ამის გამო. ეს ქსელია და პრობლემაა.
იმედი მაქვს, აქ არ მზადდება ნარკოტიკები და რაც შემოდის, საზღვარზე შემოდის და მაშინ დღესვე მოუწევს გახარიას განცხადების დაწერა და გადადგომა. თუ მე ამკიდებს პასუხისმგებლობას, კლუბში რატომ შეიპარა ნარკოტიკი, მაშინ მეც იმავე პასუხისმგებლობას ვკიდებ, რატომ იპარება საზღვარზე. მის კომპეტენციაში შედის რომ არ შემოიპაროს“, -თქვა გელბახიანმა.
ის ასევე გამოეხმაურა კაფე „გალერის“ გახსნას, სადაც, „ბასიანის“ მსგავსად, 12 მაისის ღამეს ასევე შევიდა სპეცრაზმი. მან აღნიშნა, რომ ისევ უცნობია, როდის გაიხსნება „ბასიანი“. გელბახიანის ვარაუდით, კლუბი ისჯება ნარკოპოლიტიკის ლიბერალიზაციისკენ მიმართული აქტიურობის გამო.
„ „გალერი“ არის გახსნილი და „ბასიანი“ კვლავ დახურულია. ეს კიდევ ღიმილის მომგვრელია ჩემთვის. მე გამიჩნდება და გამიმყარდება ეჭვი, რომ თუ „ბასიანის“ გახსნა გადაიდო კიდევ, მას შემდეგ რაც „გალერი“ გახსნილია, რომ ამ ყველაფერს აქვს პოლიტიკური სარჩული, იქიდან გამომდინარე, რომ „ბასიანი“ და „თეთრი ხმაური“ ამ შემთხვევაში ერთობლივი ძალებით არიან ჩართულები ამ სისტემის წინააღმდეგ და სისტემის გადაცდომის წინააღმდეგ. გამიჩნდება ეჭვი, რომ სწორედ ამიტომ, ესე ვთქვათ არის გადადებული „ბასიანის“ გახსნა, ამიტომ, შეიძლება, ჩავთვალოთ, რომ „ბასიანი“ ისჯება. მე იმედი მაქვს, შსს დროულად მოგვცემს კლუბში შესვლის საშუალებას“, -თქვა გელბახიანმა.
„ბასიანის“ დამფუძნებლის თქმით, შსს არაკოორდინირებულად მუშაობს, რადგან შს მინისტრის მოადგილე და თავად უწყების ხელმძღვანელი კლუბის გახსნის სხვადასხვა დროს ასახელებენ.