უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
ამ ორი ფიგურის გაძლიერება და შემოყვანამ თამაშში ძალიან ბევრ ინტერეს ჯგუფს გადასაახა ცივი წყალი - გია ხუხაშვილი
ამ ორი ფიგურის გაძლიერება და შემოყვანამ თამაშში ძალიან ბევრ ინტერეს ჯგუფს გადასაახა ცივი წყალი და ისევ მოლოდინის რეჟიმში გადაიყვანა, რაც ჩემი აზრით, კარგია და პროცესებსი განვითარების საინტერესო შანსებს აჩენს, - ასე ეხმაურება ექსპერტი პოლიტიკის საკითხებში გია ხუხაშვილი გიორგი გახარიას შს მინისტრად, ხოლო მამუკა ბახტაძის ფინანსთა მინისტრად დანიშნვის გადაწყვეტილებას.
როგორც ხუხაშვილმა ტელეკომპანია ,,იბერიას“ გადაცემაში ,,ახალი ამბები არჩილ გამზარდიასთან ერთად“ ჩართვისას განაცხადა, იგი მიესალმება გახარიას და ბახტაძის მიერ დასახელებული თანამდებობების დაკავებას.
,,გახარია არ არის სისტემის ნაწილი. რა თქმა უნდა, ამას აქვს თავისი მინუსები, მაგრამ მე ვფიქრობ, პლუსები უფრო მეტი აქვს, იმიტომ, რომ ძალოვანი სისტემის შიგნით სრულფასოვანი, დამოუკიდებელი შს მინისტრის პოვნა არის ძალიან რთული. სისტემა ისე მუშაობს, რომ იქ ვიღაცის ამოწევა უნდა მოხდეს ან ძალიან ბუნებრივად ( კარიერული პოლიციელი უნდა იყოს და ასეთი არ ჩანს) , ან სისტემაში უნდა მოხდეს გარე ავტორიტეტის მოყვანა, მისთვის ზურგის შექმნა და ამით კომფორტის შექმნა იმისა, რომ სისტემა იქნას წესრიგში მოყვანილი. მით უმეტეს, იმ ფონზე, რაც ხდებოდა ბოლო თვეებში, რომ მინიმუმ მღებრიშვილი ვერ მართავდა სისტემაში სიტუაციას. განსაკუთრებით კრიმინალურ პოლიციასთან დაკავშირებით ჩამოგვიყალიბდა რთული მდგომარეობა“, - განაცხადა ხუხაშვილმა.
ექსპერტი ფინანსთა სამინისტროს თანამდებობაზე ბახტაძის დანიშვნასაც მიესალმება.
,,ისიც არ არის გარეული ჯგუფურ პოლიტიკურ თამაშებში, ერთის მხრივ და არ აქვს არანაირი ვალდებულებები, ჩვენთვის რამდენადაც ცნობილია. ეს რა თქმა უნდა, საინტერესო გადაწყვეტილებაა“, - დასძინა ხუხაშვილმა.
ნინო ექვთიმიშვილი