კომენტარი

ამომრჩეველმა არჩევანი ნაციონალური მოძრაობის მობრუნების შიშის ფაქტორის გათვალისწინებითაც გააკეთა - ირაკლი კობახიძე

„ქართული ოცნების“ აღმასრულებელი მდივნის, ირაკლი კობახიძის განცხადებით, ამომრჩეველმა „ქართულ ოცნებას“ ხმა ნაციონალური მოძრაობის ხელისუფლებაში მობრუნების შიშითაც მისცა.

ამის შესახებ კობახიძემ „ტვ პირველის“ ეთერში ჟურნალისტის მიერ შესაბამისი შინაარსისი კითხვის საპასუხოდ განაცხადა.

„ამომრჩევლი სხვადასხვა გარემოების გათვალისწინებით აკეთებს ყოველთვის თავის არჩევანს. ამ შემთხვევაში, ბუნებრივია, სხვადასხვა გარემოება დაედო საფუძვლად, მათ შორის იყო, რა თქმა უნდა, ჩვენს მიერ განხორციელებული ცვლილებები. ამ 4 წლის განმავლობაში ჩვენ ფუნდამენტური ცვლილებები განვახორციელეთ და მომდევნო 4 წლისთვის ჩვენ გვქვს ძალიან კონკრეტული გეგმები“,-აღნიშნა კობახიძემ.

მისი თქმით, ამ შემთხევვაში ნაციონალური მოძრაობის მიმართ შიშიც არის გასათვალისწინებელი.

„ამ ფაქტორის მიხედვითაც გააკეთა, რა თქმა უნდა, არჩევანი ამომრჩეველმა. მან კიდევ ერთხელ უთხრა უარი ძალადობას, ავტოკრატიას ჩვენს ქვეყანაში. ესეც იყო, რა თქმა უნდა ერთ-ერთი საფუძველი ამ არჩევანის“,-აღნიშნა კობახიძემ.

მონიკა დავლიანიძე