პოლიტიკა

აქ ვიჯდები, სანამ არ გამოატარებენ ჩემი შვილის მკვლელს, მ.კ-ს - ზაზა სარალიძე შსს-ის ეზოში აქციას მართავს

ხორავას ქუჩაზე მოკლული დავით სარალიძის მამა, ზაზა სარალიძე პროტესტის ნიშნად შსს-ის ეზოში აქციას მართავს. მისი თქმით, ის იქ იქამდე დარჩება, სანამ თავისი შვილის მკვლელს არ დასჯიან.

სარალიძემ განაცხადა, რომ შსს-ის შენობაში კრიმინალური პოლიციის დირექტორს შეხვდა.

„კომისიის სხდომას ვუყურებდი, შევხედე, რომ კომისიის წევრები წინააღმდეგები არიან რეკომენდაციაზე კალანდიასთან დაკავშირებით. წამოვედი აქ, მაინტერესებდა, ესენი რას ფიქრობდნენ. იმავე აზრზე არიან ესენი, არ უნდათ ჩემი შვილის მკვლელების დაჭერა და არავის პასუხისმგებლობის დაყენება. ერთი თვეა უკვე გასული, რაც განაჩენი გამოვიდა და რაც შსს-მ ვითომ დაიბრუნა გამოძიებაში და არაფერიც არ გაუკეთებია ჯერ. კიდევ ამბობენ, რომ დრო უნდა, დრო უნდა, რისი დრო, რა დრო, 7 თვეა უკვე გასული. აქ ვიქნები, სანამ არ გამოატარებენ ჩემი შვილის მკვლელს, მ.კ-ს. საგამოძიებო კომისიის ყველა წევრის განცხადება არ მომისმენია. სიმართლე გითხრათ, იმდენად განვიცდი, პირდაპირ აქ წამოვედი“,– განაცხადა სარალიძემ.

მისივე თქმით, საგამოძიებო კომისია არ არის უფლებამოსილი, ვინმე დააკავოს, უფლებამოსილი არის შსს,თუმცა უწყება არავის არ აკავებს.