უკან

უახლესი ამბები

დღის კალენდარი

ანონსები

არქივი

პოლიტიკა

9 ნოემბერი, 2018 13:35
font-size

აქედან ფეხს არ გავადგამთ არსად - მერია შვილმოკლული მამებისგან 7 დეკემბრამდე თბილისის პარლამენტის მიმდებარე ტერიტორიის დატოვებას ითხოვს

შვილმოკლულ მამებს, ზაზა სარალიძესა და მახლაზ მაჩალიკაშვილს ხელისუფლება მოუწოდებს, 7 დეკემბრამდე დატოვონ თბილისის პარლამენტის მიმდებარე ტერიტორია. ზაზა სარალიძემ და მალხაზ მაჩალიკაშვილმა, მერიიდან გაფრთხილება მიიღეს, რომ იწყება საახალწლო სამზადისი, რის გამო მათ რუსთაველის გამზირზე პროტესტის უფლება არ ექნებათ.

ზაზა სარალიძემ და მალხაზ მაჩალიკაშვილმა ამასთან დაკავშირებით საგანგებო განცხადება გააკეთეს. მათი თქმით, ისინი პროტესტის შეწყვეტასა და მერიის მოთხოვნის შესრულებას არ აპირებენ.

„როგორცხ ცნობილია, 2018 წლის 1 ნოემბერს ქალაქ თბილის მერიას მივმართე აქციისა და მანიფესტაციის გაგრძელებასთან დაკავშირებით, აგრეთვე კარვების განთავსებასთან დაკავშირებით. ეს ვადა მოვითხოვეთ 31 დეკემბრის ჩათვლით, რის პასუხადაც მივიღე წერილი მერიიდან, რომ 7 დეკემბრიდან უნდა შეცვალოთ ლოკაციის ადგილი, იქიდან გამომდინარე, რომ აქ აპირებენ ნაძვის ხის აღმართვას, წესისამებრ, ყოველ წელიწადს რაც ხდება. მოგვიწოდეს პირდაპირ, რომ დავტოვოთ ეს ტერიტორია.

ჩვენ არავის ხელს არ ვუშლით, ჩვენ გვაქვს ჩვენი მშვიდობიანი მოთხოვნა, რომ ჩვენი შვილების მკვლელები უნდა იყვნენ პასუხისგებაში მიცემული აუცილებლად.

ამ წერილით ხელისუფლება არა მარტო იმას გვეუბნება, რომ ხელს ვუშლით ვიღაცებს, ჩვენ არავის ხელს არ ვუშლით, არც იმ ბავშვებს, რომლებიც უნდა გაერთონ, იმიტომ რომ ყველა ქართველი შვილი არის ჩვენი შვილი, რომლის მომავლისთვის ჩვენ ვიბრძვით, თორემ ჩვენ ჩვენი დასაკარგი შვილები უკვე დავკარგეთ. აქედან გამომდინარე, ეს თხოვნაა არის თუ რაც არის, ვერ გავითვალისწინებთ. ჩვენ აქ ვდგავართ სამართლიანობის აღდგენის მიზნით. ჩემი შვილი მიწაში წევს და პირდაპირ მეუბნება სახელმწიფო და ხელისუფლება, რომ არაფერს არ გავაკეთებთ თქვენს დასაკმაყოფილებლად. ეს გამოდის ასე ამ წერილით და არა მარტო, რომ ნაძვის ხე უნდა აღვმართოთ და ჩვენ ხელს ვუშლით. პირდაპირ გვითხრა დღეს ხელისუფლებამ, რომ სადაც გინდათ, იქ იყავით, ჩვენ არანაირი ნაბიჯს არ გადავდგამთ თქვენს მოთხოვნაზე. არ მისცემენ პასუხისგებაში ჩვენი შვილების მკვლელებს და საერთოდ არაფრის გამოძიებას არ აპირებენ, ეს წერია პირდაპირ ამ წერილში. ეს არის პირდაპირ კალაძის ხელმოწერით და კალაძის უწყებიდან გამოგზავნილი“,-განაცხადა სარალიძემ.

მალხაზ მაჩალიკაშვილის თქმით, ეს წერილი ნიშნავს იმას, რომ ხელისუფლება თავის დანაშაულს არ აღიარებს.

„ეს იმას ნიშნავს, რომ უსასრულოდ თქვენ რომ იდგეთ პარლამენტის წინ თუ სხვაგან, ჩვენ სახელმწიფოს მიერ ჩადენილ დანაშაულს არ ვაღიარებ, იდექით, რამდენიც გინდათ. აი, ეს არის მათი სიტყვები დღეს ჩემსა და ზაზას მიმართ გამოგზავნილი. აქ ის ბავშვები, რომლებიც უნდა იყვნენ და უნდა იზეიმონ, სახელმწიფოსგან განსხვავებით, მე და ზაზა ვიცავთ იმ ბავშვებს. მაგაში ჩვენ დარწმუნებულები ვართ. ეს არის ის ხელისუფლება, რომლებიც ბავშვებს ხოცავს. ნაძვის დადგმა არის მორიგი ფულების გათეთრება, ამათ სხვა არაფერი არ აინტერესებთ, აქედან ფეხს არ გავადგამთ არსად,ვიქნებით, სანამ ყველა ჩვენ კითხვას არ გაეცემა პასუხი“,-განაცხადა მალხაზ მაჩალიკაშვილმა.

არჩილ თალაკვაძე ელიზაბეთ რუდს და კარლ ჰარცელს შეხვდა

19 ნოემბერი, 2019 , 19:19

საქართველოს პარლამენტის თავმჯდომარე არჩილ თალაკვაძე აშშ-ის ელჩის მოვალეობის შემსრულებელს ელიზაბეთ რუდს და ევროკავშირის წარმომადგენლობის ხელმძღვანელს კარლ ჰარცელს შეხვდა. შეხვედრაზე პოლიტიკური პროცესის კონსტრუქციულად გაგრ

`სამოქალაქო მოძრაობა` მაჟორიტარი ფეოდალების მხილების კამპანიას იწყებს - ალეკო ელისაშვილი

19 ნოემბერი, 2019 , 18:35

"სამოქალაქო მოძრაობა" რეგიონებში გასვლასა და მაჟორიტარი ფეოდალების მხილების კამპანიას იწყებს. ამის შესახებ მოძრაობის ლიდერმა ალეკო ელისაშვილმა დღეს გამართულ ბრიფინგზე ისაუბრა. ელისაშვილის თქმით, ისინი ოპოზიციური ბრძოლის

თავდაცვის მინისტრმა ირაკლი ღარიბაშვილმა აშშ-ში ვიზიტი ფორტ ბენინგში სტუმრობით დაიწყო

19 ნოემბერი, 2019 , 14:20

საქართველოს თავდაცვის მინისტრმა აშშ-ში ვიზიტი ჯორჯიის შტატში, ფორტ ბენინგში სტუმრობით დაიწყო. თავდაცვის სამინისტროს პრესსამსახურის ინფორმაციით, ირაკლი ღარიბაშვილმა ფორტ ბენინგის სამანევრო დახელოვნების ცენტრი დაათვალიერა,

გადავწყვიტეთ, დავიწყოთ ხელმოწერების შეგროვება სრულ მაჟორიტარულ სისტემაზე გადასვლისთვის საჭირო საკანონმდებლო ინიციატივის მოსამზადებლად - დიმიტრი ხუნდაძე

19 ნოემბერი, 2019 , 14:20

დეპუტატი დიმიტრი ხუნდაძე მაჟორიტარ დეპუტატთა ჯგუფის სახელით ახალი ინიციატივით გამოდის. როგორც დიმიტრი ხუნდაძე სოციალურ ქსელ „ფეისბუქში“ წერს, მაჟორიტარ დეპუტატთა ჯგუფმა მიიღო გადაწყვეტილება, დაუყოვნებლივ დაიწ

დემოკრატიის გზაზე საქართველო ნაბიჯს უკან დგამს - საქართველოში ამერიკის ყოფილი ელჩი

19 ნოემბერი, 2019 , 12:40

თბილისში მიმდინარე მოვლენებთან დაკავშირებით, "ამერიკის ხმასთან" კომენტარი გააკეთა საქართველოში ამერიკის ყოფილმა ელჩმა, კენეტ იალოვიცმა. მისი თქმით, ხალხს აქვს გამოხატვის უფლება და მათ უნდა ჰქონდეთ საშუალება მშვიდობიანი მ

ჟენევის საერთაშორისო მოლაპარაკებების თანათავმჯდომარეებთან შეხვედრა გაიმართა

19 ნოემბერი, 2019 , 10:55

საგარეო საქმეთა სამინისტროში გაიმართა ჟენევის საერთაშორისო მოლაპარაკებების 50-ე რაუნდის მოსამზადებელი შეხვედრა თანათავმჯდომარეებთან ევროკავშირის, გაერო-სა და ეუთო-ს მხრიდან. საგარეო უწყების ცნობით, შეხვედრას ქართული მხრი