უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
საზოგადოება
არ გამოვრიცხავ „გირჩის“ ბრალდების უკან გარკვეული ძალების მიერ ჩვენი ცენტრის პრივატიზების სურვილი იდგეს - ლაშა კილაძე
შპს „ფსიქიკური ჯანმრთელობისა და ნარკომანიის პრევენციის ცენტრის“ ხელმძღვანელი, ლაშა კილაძე არ გამორიცხავს, რომ ახალი პოლიტიკური ცენტრ „გირჩის“ ბრალდება მისი და სოციალური მომსახურების სააგენტოს ხელმძღვანელის, ზაზა სოფრომაძის შესაძლო კორუფციული გარიგების შესახებ იყოს განპირობებული კონკრეტული კომპანიების მიერ მისი ცენტრის პრივატიზების სურვილით.
ლაშა კილაძის განცხადებით, ბრალდების უკან შესაძლოა იმალებოდეს მეტადონის მიწოდების სერვისის „ხელში ჩაგდების“ მცდელობა.
„მე არ გამოვრიცხავ, რომ ეს არის კონკრეტული ლობისტური მიმართულება, არც იმას გამოვრიცხავ, რომ გარკვეული ძალები დაინტერესებულები არიან ფსიქიკური ჯანმრთელობისა და ნარკომანიის პრევენციის ცენტრის პრივატიზებითა და უფრო იაფად მისი ხელში ჩაგდებით, ვიდრე ჩვენი ცენტრის რეალური ფასია. მე არ გამოვრიცხავ, რომ ვიღაცას, არა ჩვენი ცენტრის, არამედ მეტადონის მიწოდების სერვისისა და ნარკოტიკების მართვის სადავეების ხელში ჩაგდება სურს“,- განაცხადა კილაძემ დღევანდელ პრესკონფერენციაზე.
ცენტრის დირექტორის თქმით, კერძო კომპანიების მხრიდან იყო შემოთავაზებები, რომ შეესყიდათ აღნიშნული შპს.
„შემოთავაზება იყო უამრავი, მაგრამ კულუარულად. როგორც ჩემთვის არის ცნობილი, გარკვეული ჯგუფები იღვწოდნენ ამასთან დაკავშირებით სახელმწიფო სტრუქტურებთან, მაგრამ ის ბიზნესგეგმა და ის ბექგრაუნდი, რაც ამ ორგანიზაციებს ჰქონდათ, ჩემთვის პირადად არის აბსოლუტურად გაურკვეველი. მე, როგორც ექიმი, მენეჯერი და მოქალაქე ვთვლი, რომ ნარკოტიკებზე დამოკიდებული ადამიანის ჯანმრთელობა არ უნდა იყოს რომელიმე კერძო ორგანიზაციის ბიზნესის წყარო. ეს არის უზნეობა“, - თქვა კილაძემ.
კილაძემ მიმართა პერსონალური მონაცემების დაცვის ინსპექტორს. მისი აზრით, დაირღვა საქართველოს კანონი პერსონალურ მონაცემთა დაცვის შესახებ.
„ჩვენ უკვე მივმართეთ პერსონალური მონაცემების დაცვის ინსპექტორს „გირჩის“ ბრიფინგზე გაჟღერებული განცხადებების შესახებ, რომელიც ლახავს ჩვენი თანამშრომლების პიროვნულ ღირსებასა და საქმიან რეპუტაციას. ჩვენი აზრით, აქ ერთმნიშვნელოვნად დაირღვა კანონი პერსონალურ მონაცემთა დაცვის შესახებ. ჩვენი მოსაზრებები მივაწოდეთ შესაბამის სტრუქტურებს და ველოდებით კონკრეტულ რეაგირებას, რადგან ძალიან უხეში და ვულგარული ფორმით გაჟღერდა, რომ თანამშრომელთა ნაწილი არის „გამოგდებული“ თავისი ძველი სამსახურიდან [ ჯანდაცვისა და შს სამინისტროდან]. ხაზგასმით ვამბობ, რომ ყველა ეს გამონათქვამი არის უტიფარი ტყუილი და ამ ბრიფინგის ავტორებს მალე კანონის დაცვით მოუწევთ ამის უარყოფა და ბოდიშის მოხდა“, - განაცხადა კილაძემ.
რაც შეეხება „გირჩის“ ბრალდებას, რომ ცენტრი თავის კერძო ქვეკონტრაქტორზე 3.3.-ჯერ მეტ დაფინასებას იღებს, კილაძე პასუხობს, რომ საკითხით დაინტერესებულ უწყებებს შეუძლიათ შეამოწმოს ცენტრის ფინანსური მდგომარეობა.
„ნებისმიერ სამართალდამცავ თუ მაკონტროლებელ სტრუქტურას მარტივად შეუძლია გამოიძიოს და დადოს ნათელი სურათი იმასთან დაკავშირებით, რა ხდება და სად მიდის საბიუჯეტო თანხები, რა მოცულობის სერვისს იღებენ ბენეფიციარები და ა.შ.“, - თქვა კილაძემ.
შეგახსენებთ, რომ გუშინ ახალი პოლიტიკური ცენტრ „გირჩის“ ერთ-ერთმა ლიდერმა ზურაბ ჯაფარიძემ ბრიფინგი გამართა, სადაც სოციალური მომსახურების სააგენტოს უფროსი ზაზა სოფრომაძე და შპს „ფსიქიკური ჯანმრთელობისა და ნარკომანიის პრევენციის ცენტრის“ დირექტორი ლაშა კილაძე შესაძლო კორუფციულ გარიგებაში დაადანაშაულა.
„გირჩის“ მიერ გამოქვეყნებული ინფორმაციით, ნარკომანიის სამკურნალოდ გამოყოფილი 7 მილიონი ლარიდან 4.5 მილიონი ლარი მიდის ოპიოიდურ ნარკოტიკებზე დამოკიდებული პაციენტების ჩანაცვლებით თერაპიაზე. სოციალური მომსახურების სააგენტო აცხადებს ტენდერს მთლიანი მომსახურების შესყიდვაზე, რომელსაც, „გირჩის“ თქმით, კილაძის კომპანია იგებს.
ზურაბ ჯაფარიძის განცხადებით, შპს „ფსიქიკური ჯანმრთელობისა და ნარკომანიის პრევენციის ცენტრი“ 3,3-ზე მეტ თანხას ხარჯავს პაციენტებზე, ვიდრე ქვეკონტრაქტორი კომპანია.
„გირჩის“ ლიდერის თქმით, ლაშა კილაძე და ცენტრის ფინანსური დირექტორი სპარტაკ ბუკია წინასწარ უთანხმებენ ტენდერის პირობებს სოციალური მომსახურების მინისტრ ზაზა სოფრომაძეს.
ანა მებურიშვილი