საზოგადოება

არასამთავრობო ორგანიზაციები ე.წ. ფარული მოსმენების ინიცირებული კანონის სტრასბურგის ადამიანთა უფლებების ევროპულ სასამართლოში გასაჩივრებას აპირებენ

კამპანია „ეს შენ გეხებას“ წევრი გიორგი გოცირიძე უმრავლესობის მიერ წარდგენილი ე.წ. ფარული მოსმენების კანონის განხილვას ეხმაურება. საქართველოს ახალგაზრდა იურისტთა ასოციაციის წარმომადგენლის განცხადებით, ინიცირებული ცვლილებათა პაკეტის მესამე მოსმენით დამტკიცების შემთხვევაში, არასამთავრობო ორგანიზაციები სტრასბურგის ადამიანთა უფლებების ევროპულ სასამართლოს მიმართავენ.

„იქმნება სუს-ის დაქვემდებარებაში მყოფი სააგენტო, რომელსაც ექნება გასაღები და ეს თავისთავად მოდის წინაარმდეგობაში უკვე საკონსტიტუციო სასამართლოს გადაწყვეტილებასთან. კიდევ ერთხელაც რომ ცნოს ეს რეგულაცია საკონსტიტუციო სასამრთლომ არაკონსტიტუციურად, საბოლოოდ ისევ ამ პარლამენტის მისაღები იქნება კანონპროექტი. ამიტომ ჩვენ ვთვლით, რომ უფრო ეფექტური საშუალება იქნება, სტრასტბურგის ადამიანთა უფლებების ევროპული სასამართლო , რომელსაც აქვს უფრო ეფექტური აღსრულების მექანიზმი“, - განაცხადა გოცირიძემ.

შეგახსენებთ, რომ გუშინდელი საპარლამენტო ბიუროს სხდომაზე მიღებული გადაწყვეტილებით, ფარული საგამოძიებო მოქმედებების შესახებ ინიცირებული პროექტის მესამე მოსმენა რიგგარეშე სესიაზე პირველ მარტს გაიმართება.

ანა მებურიშვილი