უკან

საზოგადოება

14 დეკემბერი, 2018 16:40
font-size

არასამთავრობო ორგანიზაციები სავარაუდოდ ნარკოტიკებით ინტოქსიკაციის საქმეზე ხელისუფლებას მიმართავენ

ოთხი არასამთავრობო ორგანიზაცია, - „ადამიანის უფლებების სწავლებისა და მონიტორინგის ცენტრი“ (EMC), „ალტერნატივა ჯორჯია“, „თეთრი ხმაურის მოძრაობა“ და „ღია საზოგადოების ფონდი“​ ბოლო დღეებში, სავარაუდოდ, უცნობი, ძლიერმოქმედი ნარკოტიკული ნივთიერებით გამოწვეული ინტოქსიკაციისა და გარდაცვალების ფაქტების შესახებ გავრცელებულ ინფორმაციას გამოეხმაურა.

როგორც განცხადებაშია აღნიშნული, ეს არ არის ნარკოტიკული ნივთიერებით გამოწვეული ინტოქსიკაციისა და გარდაცვალების პირველი ეპიზოდი მიმდინარე წელს.

„სახელმწიფოს არ გადაუდგამს ნაბიჯები მსგავსი ფაქტების პრევენციის, ზედოზირების დროს საჭირო ქცევის და პრაქტიკების შესახებ საზოგადოების ინფორმირებისთვის;

რაც მთავარია, სახელმწიფოს კითხვის ნიშნის ქვეშ არ დაუყენებია და არ გადაუხედავს ნარკოპოლიტიკის სფეროში საკუთარი პოლიტიკისა და პრიორიტეტებისთვის. უფრო მეტიც, პარლამენტმა პრაქტიკულად უარი თქვა და გააჩერა ნარკოპოლიტიკის რეფორმის საკითხის განხილვა და გაახანგრძლივა პრაქტიკაში დადასტურებულად არაეფექტიანი პოლიტიკის არსებობა.

არასამთავრობო ორგანიზაციების წარმომადგენლები აღნიშნავენ, რომ პოლიტიკურ, მედია თუ საზოგადოებრივ დღის წესრიგში, ნარკოვითარებასთან დაკავშირებული მწვავე საკითხები მხოლოდ მძიმე და ტრაგიკული მოვლენების ფონზე აქტიურდება, რაც რაციონალური, არგუმენტირებული მსჯელობის შესაძლებლობას გამორიცხავს.

„ნარკოპოლიტიკასთან დაკავშირებით პოლიტიკური ჯგუფების სპეკულაციური და პოპულისტური ნაბიჯები მხოლოდ საზოგადოებრივი აზრის პოლარიზებას და საკითხისთვის სოციალური მნიშვნელობის სრულად გამოცლას იწვევს. ამის ნათელი დემონსტრირება იყო, წინასაარჩევნოდ არაერთი პოლიტიკური ჯგუფის მხრიდან ნარკოპოლიტიკის თემით უსარგებლო მანიპულაცია, რამაც მხოლოდ ხელი შეუშალა ნარკოპოლიტიკის სისტემურ რეფორმას ქვეყანაში.

უცვლელი სახელმწიფო პოლიტიკის პირობებში, ფუნდამენტურ პრობლემად რჩება ის, რომ სახელმწიფოს გააზრებული არ აქვს საკუთარი პასუხისმგებლობა ნარკოტიკების მოხმარებასთან დაკავშირებული ზიანის შემცირების და უარყოფითი შედეგების მინიმიზაციის პროცესში.

ორგანიზაციები მიმართავენ საქართველოს შინაგან საქმეთა და ჯანდაცვის სამინისტროებს, მიაწოდონ საზოგადოებას ინფორმაცია ბოლო პერიოდში, ისევე როგორც მიმდინარე წლის მაისში დაფიქსირებული ინქოქსიკაციისა და გარდაცვალების ფაქტების გამომწვევი მიზეზების შესახებ; ჯანდაცვის სამინისტრომ, სხვა უწყებების ჩართულობით, შექმნას გაფართოებული სამუშაო პლატფორმა, სადაც პროფესიული და დაინტერესებული ჯგუფების მონაწილეობით, განისაზღვრება მსგავსი ფაქტების პრევენციის მიზნით გადასადგმელი კონკრეტული ნაბიჯები; სახელმწიფომ დაგეგმოს და გადადგას რეალური პრევენციული ნაბიჯები ნარკოტიკებით გამოწვეული ინტოქსიკაციის და გარდაცვალების ფაქტების შემდგომი პრევენციის მიზნით; საქართველოს პარლამენტმა გაიაზროს საკუთარი პასუხისმგებლობა და დაუბრუნდეს ნარკოპოლიტიკის რეფორმის საკითხის განხილვას“, - ნათქვამია განცხადებაში.

ცნობისთვის, ბოლო დღეების განმავლობაში ვრცელდება ინფორმაცია, რომ ღამის კლუბებში ნარკოტიკებით ინოქსიკაციის შემთხვევები მოხდა. 9 დეკემბერს გავრცელებული ერთ-ერთი ვერსიით, 19 წლის ბიჭის გარდაცვალების მიზეზი სწორედ ჯერჯერობით უცნობი ნარკოტიკული საშუალება გახდა. შსს-ში აცხადებენ, რომ ბიჭის გარდაცვალების ზუსტი მიზეზის დასადგენად ექსპერტიზა დაინიშნა.

საერთო სამაგისტრო გამოცდა იწყება

17 ივლისი, 2019 , 13:30

მაგისტრანტობის მსურველთა რეგისტრაცია დღეს  15:00 საათზე, გამოცდა კი 16:00 საათზე დაიწყება.  აპლიკანტები B ტიპის ტესტს აბარებენ. წელს, საერთო სამაგისტრო გამოცდისათვის რეგისტრაცია 12000-მდე კანდიდატმა გაიარა;&nbs

ბატონო პრეზიდენტო, სამწუხაროდ, ძალიან ცუდად იცით ისტორია, ან განზრახ ცრუობთ - დეკანოზ ილია ჭიღლაძის ვლადიმერ პუტინს

17 ივლისი, 2019 , 13:30

დეკანოზ ილია ჭიღლაძის პასუხი რუსეთის პრეზიდენტ ვლადიმერ პუტინს. “ბატონო პრეზიდენტო, ვლადიმერ ვლადიმერის ძევ, მინდა პასუხი გაგცეთ თქვენს განცხადებაზე: სამწუხაროდ, ძალიან ცუდად იცით ისტორია, ან განზრახ ცრუობთ: 1774 წ

ბილაინის მხარდაჭერით თავისუფალ უნივერსიტეტში ჰაკათონი ჩატარდა

17 ივლისი, 2019 , 13:10

საერთაშორისო ჯგუფ „ვიონი“-ს წევრის, ბილაინის მხარდაჭერით, თავისუფალ უნივერსიტეტში, კახა ბენდუქიძის კამპუსში ჰაკათონი სახელწოდებით „სულ სხვა ჰაკათონი“ ჩატარდა. „სულ სხვა ჰაკათონის“ ორგა

„თხილის გადარჩენის პროგრამა“ გეგმის მიხედვით მიმდინარეობს - სეუ

17 ივლისი, 2019 , 13:10

„თხილის გადარჩენის პროგრამის“ მიმდინარეობის შესახებ სურსათის ეროვნული სააგენტოსა და თხილის მწარმოებელთა ასოციაციის სამუშაო შეხვედრაზე იმსჯელეს. დარგის სპეციალისტებმა თხილის ნარგავებში ჩატარებული აგროსამუშაოებ

დღეს ბიზნეს გარემოს მთავარი გამოწვევა რუსული ტურისტული ემბარგოს მოსალოდნელი შედეგებია - ირაკლი ლექვინაძე

17 ივლისი, 2019 , 13:10

დღეს ბიზნეს გარემოს მთავარი გამოწვევა რუსული ტურისტული ემბარგოს მოსალოდნელი შედეგებია - ამის შესახებ ირაკლი ლექვინაძემ მედიასთან ბიზნესომბუდსმენის აპარატის 2019 წლის 6 თვის საქმიანობის სტატისტიკის პრეზენტაციაზე განაცხადა

NBC UNIVERSAL-ი საქართველოში ფილმის გადაღების შესაძლებლობებს სწავლობს

17 ივლისი, 2019 , 12:15

NBC UNIVERSAL-ი საქართველოში ფილმის გადაღების შესაძლებლობებს სწავლობს, - კინოსტუდიის წარმომადგენლებს დღეს საქართველოს პრემიერ-მინისტრმა მამუკა ბახტაძემ უმასპინძლა. შეხვედრაზე საუბარი შეეხო სამომავლო თანამშრომლობის პერსპ

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს