უკან
არქივი
საზოგადოება
30 ოქტომბერი, 2020 12:45
არჩევნების დღეს განსაკუთრებული რეჟიმით ვიმუშავებთ - „ენერგო-პრო ჯორჯია“
31 ოქტომბერს, არჩევნების დღეს, ,,ენერგო-პრო ჯორჯია“ განსაკუთრებული რეჟიმით იმუშავებს.
ყველა რაიონში, 24 საათის განმავლობაში იმუშავებენ საგანგებოდ დანიშნული მორიგე ჯგუფები, მობილიზებული იქნება ყველა საჭირო ტექნიკაც.
„მორიგე ჯგუფებს პირდაპირი კავშირი ექნებათ საარჩევნო უბნებთან. იმ შემთხვევაში, თუ უამინდობის ან სხვა გაუთვალისწინებელი შემთხვევების გამო მოხდება ელექტროენერგიის ავარიული შეზღუდვა, კომპანიის ტექნიკური სამსახური მოახდენს სწრაფ და ოპერატიულ რეაგირებას.
კომპანიის მორიგე, პასუხისმგებელი პირების სია და საკონტაქტო ნომრები უკვე გადაეგზავნა ცენტრალურ საარჩევნო კომისიას. ცესკოს წარმომადგენელს პირდაპირი კავშირი ექნება კომპანიის მთავარ დისპეტჩერთანაც”,-აცხადებენ კომპანიაში.