პოლიტიკა

არჩევნების პირველ ტურში ბევრ ოლქში ჩვენი კანდიდატები გაიმარჯვებენ - გიგი წერეთელი

ნაციონალური მოძრაობის წევრის, გიგი წერეთელის განცხადებით, გამომდინარე იქიდან, რომ ხალხი ბოლო 4 წლის განმავლობაში კარგად არ ცხოვრობს, ბევრ მაჟორიტარულ ოლქში, პირველივე ტურში, ნაციონალური მოძრაობის კანდიდატები გაიმარჯვებენ.

ამის შესახებ წერეთელმა საკითხის კომენტირებისას ჟურნალისტებს განუცხადა.

„ხალხს ეუბნებიან, რომ ისინი კარგად ცხოვრობენ, უბრალოდ ანალიზის უნარი არ აქვთ და ამას ვერ ხედავენ. აქედან გამომდინარე, მე ვფიქრობ, რომ ძალიან ბევრ ჩვენს თანამოქალაქეს ჩამოყალიბებული აქვს თავისი აზრი. ბევრ მაჟორიტარულ ოლქში ჩვენ გავიმარჯვებთ პირველ ტურში. იქნება ალბათ ოლქები სადაც მეორე ტურებიც იქნება და აქაც ვფიქრობ,გამომდინარე ამ ვითარებიდან რაც დღეს არის ქვეყანაში და იქიდან რომ ხელისუფლება ვერ შეძლებს ვერანაირ მანიპულაციებს - აქაც ბევრგან ჩვენი პოლიტიკური გუნდის კანდიდატები გაიმარჯვებენ“,-აღნიშნა წერეთელმა.

მონიკა დავლიანიძე