უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
საზოგადოება
არჩილ ტატუნაშვილის ცხედარი ოკუპირებული ცხინვალიდან გადმოასვენეს
არჩილ ტატუნაშვილის ცხედარი საქართველოს კონტროლირებად ტერიტორიაზე ჩამოასვენეს.
ერგნეთის საგუშაგოსთან ცხედრის ჩამოსვენებას გარდაცვლილის ოჯახის წევრები, ახლობლები და ასევე, მთავრობის წარმომადგენლები ესწრებოდნენ. ადგილზე იმყოფებოდა სახელმწიფო მინისტრი შერიგებისა და სამოქალაქო თანასწორობის საკითხებში, ქეთევან ციხელაშვილი და ლტოლვილთა და განსახლების მინისტრი, სოზარ სუბარი.
ტატუნაშვილის ცხედარი ქართული მხარის მიერ კონტროლირებად ტერიტორიაზე თითქმის ერთთვიანი ლოდინის შემდეგ ჩამოასვენეს. ის ცხინვალში საოკუპაციო რეჟიმის მიერ იყო დაკავებული, რა დროსაც გაურკვეველ ვითარებაში დაიღუპა. ამ დრომდე მისი ჩამოსვენების შეფერხების მიზეზად ოსური მხარე ცხედრისთვის რუსული ექსპერტიზის ჩატარებას ასახელებდა. ოსური მედიის ინფორმაციით, რუსული ექსპერტიზის შედეგით ტატუნაშვილი ჯანმრთელობის მდგომარეობის გაუარესების გამო გარდაიცვალა. ამჯერად ცხედარს ექსპერტიზა თბილისში, ლევან სამსახაულის სახელობის ექსპერტიზის ბიუროში ჩაუტარდება.
“ჩემი ინფორმაციით, არჩილ ტატუნაშვილის ცხედრის სრული გამოკვლევა დღეს ღამითვე მოხდება და ცხედარს ოჯახში გამთენიისას გადაასვენებენ, მომდევნო სამი დღის განმავლობაში სამოქალაქო პანაშვიდები გაიმართება და ოჯახის გადაწყვეტილებით, დაკრძალვა შაბათ დღეს იქნება”, – ამის შესახებ ახალგორის გამგებელმა ნუგზარ თინიკაშვილმა პირველი არხის გადაცემაში “აქტუალური თემა მაკა ცინცაძესთან ერთად“ პირდაპირი ჩართვისას განაცხადა.
“არჩილ ტატუნაშვილის ცხედარი ოჯახს 26–დღიანი მძიმე მოლოდინის შემდეგ გადმოეცა. სამხარაულის ექსპერტიზის ბიუროში ცხედრის დათვალიერება მოხდება. გარდაცვალების რეალური მიზეზის დადგენა რამდენად იქნება შესაძლებელი, ამის თქმა ძალიან ძნელია, რადგან გარდაცვალებიდან, თითქმის, ერთი თვე გავიდა“, – განაცხადა თინიკაშვილმა.
მისი თქმით, რუსეთის, საქართველოსა თუ მსოფლიოში აღიარებული ექსპერტების მიერ როგორი დასკვნაც არ უნდა დაიდოს, საქართველოს საზოგადოების ვერც ერთი წევრი ვერ დარწმუნდება, რომ არჩილ ტატუნაშვილი გულის შეტევით გარდაიცვალა.
“ის სრულიად ჯანმრთელი, ფიზიკურად უძლიერესი პიროვნება იყო და გამორიცხულია, მისი გარდაცვალების მიზეზი გულის შეტევა, ან სხვა რამე მცირე დაზიანება გამხდარიყო, თუმცა ექსპერტიზის დასკვნას მაინც უნდა დაველოდოთ და ამ ყველაფერზე საუბარი მერე უფრო ადვილი იქნება“, – განაცხადა ნუგზარ თინიკაშვილმა.