საზოგადოება

არხზე ის გადაცემები დარჩება, რომლებიც გაუძლებს იმ თამასას, რომელსაც ერთად დავაწესებთ - ვასილ მაღლაფეფირიძე

საზოგადოებრივი მაუწყებლის გენერალური დირექტორის, ვასილ მაღლაფერიძის განცხადებით, არხზე არსებული გადაცემების დახურვა მოხდება იმ კრიტერიუმების მიხედვით, რასაც მენეჯმენტი კონსულტაციების შედეგად დააწესებს.

მისი თქმით, მაუწყებელზე დარჩენილ გადაცემებს ახლები დაემატება, რომლებიც ყოველი სეზონის ბოლოს რეიტინგის შეფასებას გაივლიან.

„იმ პროგრამული პრიორიტეტების გათვალისწინებით, რომელიც დასახული აქვს საზოგადოებრივ მაუწყებელს, უნდა იყოს ორიენტირებული რეიტინგზე. რომელი გადაცემა გაუძლებს ამ შეფასებას, იმ დაწესებულ თამასას, რომელსაც დავაწესებთ ერთად, ის გადაცემები გავლენ. ახალი წლიდან კი მათ დაემატება ახალი გადაცემები, ასევე კონკურენტუნარიანი, ოღონდ ყველა სეზონის ბოლოს აუცილებლად მოხდება ამ კრიტერიუმებით შეფასება“,-აღნიშნა მაღლაფერიძემ.

რაც შეეხება ტესტირებას, რომელიც საინფორმაციო გამოშვების ჟურნალისტებმა უნდა გაიარონ, საზოგადოებრივი მაუწყებლის გენერალური დირექტორი დარწმუნებულია, რომ მათი უმრავლესობა ტესტირებას წარმატებით გაუმკლავდება.

„მე დარწმუნებული ვარ, რომ „მოაბის“ შემადგენლობის, რომელსაც მე ვაკვირდები ჩემი გამოცდილებით, დიდი ნაწილი არამარტო გაუძლებს, არამედ პირიქით, უფრო დიდ ასპარეზს ჰპოვებს“,-აღნიშნა მაღლაფერიძემ.

მონიკა დავლიანიძე