კომენტარი
ასეთი რამ საერთოდ არ უნდა ხდებოდეს არც ერთ მოქალაქესთან დაკავშირებით, მით უფრო როცა საქმე ჟურნალისტს ეხება - ვიქტორ დოლიძე
ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის, ვიქტორ დოლიძის შეფასებით, ჟურნალისტ გიორგი გასვიანის შესაძლო ცემის ფაქტის დროულად გამოძიება მნიშვნელოვანია.
როგორც დოლიძემ ჟურნალისტებს განუცხადა, საგამოძიებო სტრუქტურებმა რაც შეიძლება დროულად უნდა დაუსვან წერტილი სამართალწარმოების პროცესს.
”ყველა ვთანხმდებით, რომ ასეთი რამ საერთოდ არ უნდა ხდებოდეს არც ერთ მოქალაქესთან დაკავშირებით, მით უფრო როცა საქმე ჟურნალისტს ეხება. ამიტომ იმედი მაქვს და დარწმუნებული ვარ, რომ რაც შეიძლება დროულად გადაიდგმება შესაბამისი ნაბიჯები და საგამოძიებო სტრუქტურები რაც შეიძლება დროულად დაუსვამენ წერტილს სამართალწარმოების პროცესს”, - განაცხადა ვიქტორ დოლიძემ.
ცნობისათვის: ტელეკომპანია "იბერიის" ჟურნალისტი გიორგი გასვიანი ბორჯომის პოლიციის თანამშრომელს სიტყვიერ და ფიზიკურ შეურაცხყოფაში ადანაშაულებს.
ნინო ექვთიმიშვილი