უკან

უახლესი ამბები

დღის კალენდარი

ანონსები

არქივი

მსოფლიო

10 მაისი, 2019 10:20
font-size

აშშ-ის თავდაცვის მდივნის მოვალეობის შემსრულებლის მოხსენებაში რუსეთის მიერ სუვერენიტეტის ხელყოფასა და რუსეთ-საქართველოს ომზეა საუბარი

აშშ-ის სენატის ასიგნებების კომიტეტზე აშშ-ის თავდაცვის დეპარტამენტის მიერ 2020 ფისკალური წლისათვის მოთხოვნილი ბიუჯეტის განხილვისას აშშ-ის თავდაცვის მდივნის მოვალეობის შემსრულებლის, პატრიკ შენაჰანისა და გაერთიანებული შტაბის მეთაურის, გენერალ დანფორდის წერილობით ანგარიშში რუსეთიდან მომდინარე საფრთხეებზე საუბრისას რუსეთის მხრიდან 2008 წელს საქართველოში შეჭრასა და ტერიტორიების ოკუპაციაზეა საუბარი. ინფორმაციას საქართველოს საგარეო საქმეთა სამინისტრო ავრცელებს.

უწყების ცნობით, მოხსენებაში ვრცლად არის საუბარი აშშ-ის ახალ თავდაცვის სტრატეგიაზე, რუსეთისგან მომავალ მზარდ საფრთხეებზე, ამერიკის პარტნიორების როლზე და აშშ-ის საჭიროებებზე. ხაზგასმულია რუსეთის სამხედრო შესაძლებლობების მოდერნიზაციის ტენდენცია, აგრეთვე რუსეთის მიერ საზღვრებს მიღმა სამხედრო ძალის გამოყენების ფაქტები, მათ შორის მეზობელი ქვეყნების მიმართ და ასევე სხვა ქვეყნების სუვერენული დემოკრატიული პროცესების ხელის შეშლის მცდელობები. მათ შორის აღნიშნულია, რომ რუსეთი აშკარად ცდილობს მსოფლიო გეოგრაფიის შეცვლას და მოსკოვის მიერ სხვა ქვეყნების სუვერენიტეტის ხელყოფის თვალსაჩინო მაგალითია რუსეთის მიერ 2008 წელს საქართველოში შეჭრა და საქართველოს ტერიტორიის მიმდინარე ოკუპაცია.

„არსებული ვითარების საპირწონედ დეპარტამენტი აშშ-ის სამი მთავარი მიმართულებას გამოყოფს – სამხედრო შესაძლებლობების გაძლიერება, ალიანსებსა და პარტნიორებთან თანამშრომლობის გაძლიერება, თავდაცვის დეპარტამენტის რეფორმა. გენერალმა დანფორდმა ასევე ისაუბრა რუსეთის ასიმეტრიულ საფრთხეებზე და შესაძლებლობებზე, მათ შორის საინფორმაციო, კიბერ და არაკონვენციურ ოპერაციებზე, რომელთაც რუსეთი იყენებს ეკონომიკურ და პოლიტიკურ ბერკეტებთან ერთად, რათა მოიპოვოს უპირატესობა და მიაღწიოს დასახულ მიზნებს მსოფლიო არენაზე. გენერალმა ასევე ახსენა რუსეთის რევანშისტული ქმედებები საქართველოსა და უკრაინის წინააღმდეგ და რუსეთის მიერ ევროპასა და აშშ-ში დემოკრატიის შესუსტების მცდელობები“, – აღნიშნულია საქართველოს საგარეო უწყების ინფორმაციაში.

კოსოვოს პრემიერ-მინისტრი კორონავირუსით დაინფიცირდა

3 აგვისტო, 2020 , 11:30

კოსოვოს პრემიერ-მინისტრი ავდულა ჰოტი კორონავირუსით დაინფიცირდა და მომავალი ორი კვირის განმავლობაში სახლში, თვითიზოლაციაში იქნება. „დღეს, მე კორონავირუსზე ტესტი ჩავიტარე და შედეგი დადებითი აღმოჩნდა. არ მაქვს არავითა

ტრამპი აშშ-ში TikTok-ს კრძალავს

1 აგვისტო, 2020 , 15:15

აშშ-ის პრეზიდენტმა დონალდ ტრამპმა განაცხადა, რომ ის პოპულარულ მოკლემეტრაჟიანი ვიდეოების აპლიკაცია TikTok-ს შეერთებულ შტატებში აკრძალავს. ამით დონალდ ტრამპი ასევე ხელს უშლის გარიგებას, რომლითაც Microsoft-ს აპლიკაცია მისი

თურქეთი: კორონავირუსის 982 ახალი შემთხვევა, 17 გარდაცვლილი პაციენტი

1 აგვისტო, 2020 , 12:55

თურქეთში ბოლო ერთ დღეში კოროანვირუსული ინფექცია 982 ადამიანს დაუდასტურდა. თურქეთის ჯანდაცვის სამინისტროს ინფორმაციით, ეპიდემიის დაწყების შემდეგ ქვეყანაში კორონავირუსული ინფექციის 230 873 შემთხვევაა დადასტურებული. თურქეთი

სომხეთი: კორონავირუსის 291 ახალი შემთხვევა, 11 გარდაცვლილი პაციენტი

1 აგვისტო, 2020 , 12:25

სომხეთში კორონავირუსი კიდევ 291 პაციენტს დაუდასტურდა, 560 ადამიანი გამოჯანმრთელდა, 11 კი გარდაიცვალა. სულ ქვეყანაში კორონავირუსის 38,841 შემთხვევა დადასტურდა, გარდაიცვალა 749 ადამიანი, გამოჯანმრთელდა - 29,557.

აზერბაიჯანი: კორონავირუსის 318 ახალი შემთხვევა, 7 გარდაცვლილი პაციენტი

1 აგვისტო, 2020 , 12:25

გასული დღე-ღამის განმავლობაში აზერბაიჯანში კორონავირუსი კიდევ 318 ადამიანს გამოუვლინდა. 714 ადამიანი გამოჯანმრთელდა, ხოლო 7 ინფიცირებული კი გარდაიცვალა. ქვეყანაში კორონავირუსის დადასტურებულმა შემთხვევებმა 31,878 შეადგინა

რუსეთი: კორონავირუსის 5 462 ახალი შემთხვევა, 95 გარდაცვლილი პაციენტი

1 აგვისტო, 2020 , 12:25

ბოლო 24 საათის განმავლობაში რუსეთში ახალი კორონავირუსით ინფიცირების კიდევ 5 462 შემთხვევა გამოვლინდა, 95 ადამიანი კი ვირუსს ემსხვერპლა. ჯამში ქვეყანაში კოვიდინფიცირების 845 443 შემთხვევაა დადასტურებული, გარდაიცვალა 14 05

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე