უკან

უახლესი ამბები

დღის კალენდარი

ანონსები

არქივი

პოლიტიკა

12 ივნისი, 2019 16:49
font-size

„აშშ-ს მხრიდან უაღრესად პოზიტიური შეფასება მიეცა განხორციელებულ რეფორმებს, როგორც ეკონომიკური, ისე დემოკრატიული ინსტიტუტების გაძლიერების კუთხით“ - ზალკალიანი

საქართველოს საგარეო საქმეთა მინისტრი დავით ზალკალიანი საქართველოს პრემიერ-მინისტრის ვიზიტს აშშ-ში მაღალ შეფასებას აძლევს. მინისტრის განცხადებით ვაშინგტონში გამართული შეხვედრები და ზოგადად, მაღალი დონის ორმხრივი კომუნიკაციის სიხშირე ადასტურებს ორი ქვეყნის სტრატეგიული პარტნიორობის მაღალ დონეს.

„თავად ის ფაქტი, რომ ამერიკის შეერთებულ შტატებს და საქართველოს შორის ძალიან მაღალი დონის ინტენსიური შეხვედრები მიმდინარეობს, არის დასტური იმისა, თუ რაოდენ დიდი მნიშვნელობა აქვს ჩვენს ორმხრივ ურთიერთობებს“-განაცხადა ზალკალიანმა.

მინისტრი მიესალმა აშშ-საქართველოს სტრატეგიული პარტნიორობის 10 წელთან დაკავშირებით გამოქვეყნებულ დოკუმენტს, რომელიც ყოვლისმომცველად ასახავს ორმხრივი თანამშრომლობის მაღალ და ყოვლისმომცველ დონეს.

„ჩვენ ვისაუბრეთ, სტრატეგიული პარტნიორობის ყველა ძირითად მიმართულებაზე. სტრატეგიული პარტნიორობის 10 წელთან დაკავშირებული დოკუმენტი ასახავს და მოიხილავს ყველა ძირითად მიმართულებას, თავდაცვას, უსაფრთხოებას, ეკონომიკურ თანამშრომლობას , დემოკრატიული ინსტიტუტების გაძლიერებას, ხალხთაშორის ურთიერთობებს, მიანიშნებს იმაზე, რომ ჩვენი თანამშრომლობა ამერიკის შეერთებულ შტატებთან თვისობრივად ახალ დონეზე გადადის“-განაცხადა ზალკალიანმა.

მისი თქმით, საქართველოს პრემიერ-მინისტრსა და უსაფრთხოების საკითხებში აშშ-ს პრეზიდენტის მრჩეველს ჯონ ბოლტონს შორის, ბოლო 8 თვის განმალობაში, მესამე შეხვედრა გაიმართა, ხოლო მიმდინარე ვიზიტის ფარგლებში სახელმწიფო დეპარტამენტში სახელმწიფო მდივანსა და პრემიერ-მინისტრს შორის გამართული შეხვედრა ყოვლისმომცველი იყო.

„უნდა აღინიშნოს, რომ ელჩ ბოლტონთან ჩვენ გვქონდა ასევე ძალიან საინტერესო საუბარი . თავად ბოლტონი გახლავთ უაღრესად საინტერესო მოსაუბრე. მას აქვს განსაკუთრებული ხედვა რეგიონში მიმდინარე პროცესებთან მიმართებაში და თემატიკა, რომელიც განვიხილეთ, მოიცავდა ყველა მიმართულებას. რა თქმა უნდა იმ ძირითად გამოწვევებს, რომელიც ჩვენ გვაქვს უსაფრთხოების კუთხით. ასევე ამერიკასა და საქართველოს შორის ეკონომიკური განვითარების შესაძლებლობებს, მათ შორის თავისუფალი ვაჭრობის კუთხით. ვისაუბრეთ ასევე შემდგომ ნაბიჯებზე, საქართველოს ნატოში ინტეგრაციის მიმართულებით. განვიხილეთ ჩვენს გარშემო სამეზობლოში შექმნილი სიტუაცია. ბუნებრივია უაღრესად პოზიტიური შეფასება მიეცა საქართველოს ხელისუფლების მიერ განხორციელებულ რეფორმებს, როგორც ეკონომიკური მიმართულებით, ისე დემოკრატიული ინსტიტუტების გაძლიერების კუთხით. მე ვფიქრობ, რომ ეს შეხვედრები ჩვენს მოგვცემს შესაძლებლობას, მომავალში კიდევ უფრო კონკრეტული მიმართულებით ვითანამშრომლოთ და კიდევ უფრო მნიშვნელოვანი ხელშესახები შედეგები დავდოთ, როგორც ევროატლანტიკური ინტეგრაციის კუთხით, ასე ამერიკის შეერთებულ შტატებთან ორმხირივი ურთიერთობის გაძლიერების თვალსაზრისით,“- განაცხადა ზალკალიანმა.

საქართველოს საგარეო უწყების ხელმძღვანელის განცხადებით აშშ. მხარს უჭერს საქართველოში განხორციელებულ დემოკრატიულ რეფორმებს და ეს მკაფიოდ იქნა გაცხადებული სახელმწიფო მდივანთან შეხვედრაზე, ისევე როგორც შეხვედრის შემდგომ გამართულ პრესკონფერენციაზე.

„შეხვედრაზე მხოლოდ პოზიტიური კუთხით იყო სახელმწიფო მდივნის მხრიდან გაცხადებული და აღიარებული ის რეფორმები, რომელსაც საქართველოს ხელისუფლება ახორციელებს დემოკრატიული ინსტიტუტების გაძლიერების კუთხით. თუ თქვენ მიაქცევთ ყურადღებას, რა განაცხადა მან პრესკონფერენციაზე, მან თქვა , რომ ამერიკის შეერთებული შტატების მხარს უჭერს საქართველოს დემოკრატიული რეფორმების გაგრძელებას. ანუ, ეს იყო პოზიტიურ კონტექსტში დანახული, რომ ის რეფორმები, რომელსაც საქართველოს ხელისუფლება ახორციელებს, არის შეფასებული ამერიკის შეერთებული შტატების მხრიდან როგორც დადებით და შემდგომ ამ დადებითი კურსის გაგრძელების მნიშვნელობას გაუსვა მან ხაზი. ასევე შეხვედრაზე საუბარი იყო იმ პოზიტიურ რეფორმებზე, რომელსაც საქართველოს ხელისუფლება ახორციელებს სასამართლო რეფორმის მეოთხე ტალღის ფარგლებში. ძალიან პოზიტიურად შეფასდა , ის გადაწყვეტილებები, რომელიც გუშინ იყო მიღებული საქართველოს პარლამენტის მხრიდან. იცით თქვენ, რომ მიღწეული კონსესუსი სასამართლო რეფორმის მეოთხე ტალღასთან მიმართებაში. პოზიტიურად შეფასდა პირველი, მეორე და მესამე ტალღა და გამოითქვა იმედი, რომ ის გადაწყვეტილებები, კონსენსუსი და ჩართულობა, რომელიც ასევე აღინიშნებოდა მთელი ამ პერიოდის განმავლობაში ამერიკის შეერთებული შტატების მხრიდან და ის ფაქტი, რომ საქართველოს ხელისუფლება ითვალისწინებს ყველა რეკომენდაციას და ყველა რჩევას, არის გარანტი იმისა, რომ მომავალში ამ თვალსაზრისით ჩვენი დემოკრატიული ინსტიტუტების სიმწიფე კიდევ უფრო გაიზრდება.

აღსანიშნავია, რომ საქართველოს საგარეო უწყების ხელმძღვანელი თანათავმჯდომარეობდა ამერიკა-საქართველოს სტრატეგიული პარტნიორობის ქარტიის სხდომას, რომელიც ვაშინგტონში მიმდინარე წლის 11 ივნისს გაიმართა.

ირაკლი კობახიძე აცხადებს, რომ რადიკალურ ოპოზიციას არჩევნების დღესთან დაკავშირებით დესტრუქციული გეგმები აქვს

29 ოქტომბერი, 2020 , 13:45

საპარლამენტო უმრავლესობის წევრის, ირაკლი კობახიძის განცხადებით, რადიკალურ ოპოზიციას არჩევნების დღესთან დაკავშირებით დესტრუქციული გეგმები აქვს. კობახიძის თქმით, მათ შორის იგეგმება ერთი და იგივე საკითხებზე სხვადასხვა წარმო

მინდა, ყველა პოლიტიკურ სუბიექტს მოვუწოდო მეტი პასუხისმგებლობისკენ, ერთად დავიცვათ წესები - გიორგი გახარია

29 ოქტომბერი, 2020 , 10:55

როგორც ყველანი ერთად თვალყურს ვადევნებთ, მსოფლიოში ეპიდემიოლოგიური მდგომარეობა რთულდება, განსაკუთრებით, ეს აშკარაა და სახეზეა ევროპაში. ჩვენთანაც, ქვეყანაში, სამწუხაროდ ინფიცირების შემთხვევები იზრდება, თუმცა ყველას მოგეხ

“ნაციონალური მოძრაობა” ფსონს სიტუაციის რადიკალიზაციაზე, არეულობის შექმნაზე აკეთებს და სრული რესურსით, ქვეყნის მთავარ გამზირზე იკრიბება-მამუკა მდინარაძე

28 ოქტომბერი, 2020 , 17:10

საპარლამენტო უმრავლესობის ლიდერის, მამუკა მდინარაძის განცხადებით, „ქართულ ოცნებას“ აქვს ინფორმაცია, რომ მერიაში შესულია წერილი, რომლის მიხედვითაც „ნაციონალური მოძრაობა“ არჩევნების დღეს პარლამენტის

ოპოზიცია შეიარაღებული ამბოხის სცენარს განიხილავს და მოქალაქეების რეაქციას იკვლევს - ირაკლი კობახიძე

28 ოქტომბერი, 2020 , 15:55

"ქართული ოცნების" აღმასრულებელი მდივანის, ირაკლი კობახიძის განცხადებით, "რადიკალური ოპოზიცია" შეარაღებული ამბოხების სცენარს განიხილავს და იკვლევს რა რეაქცია ექნება ამაზე ხალხს. ამ თემაზე მან სპეციალურ ბრიფინგზე ისაუბრა დ

საკმაოდ ტოქსიკური ოთხი დღე გველის - გიორგი გახარია

27 ოქტომბერი, 2020 , 18:58

მე ეს კვლევები არ მჭირდება, მე ვგრძნობ, რომ „ქართული ოცნების“ მხარდაჭერა არის ბევრად უფრო მეტი - , ამის შესახებ საქართველოს პრემიერ-მინისტრმა გორგი გახარიამ, ჟურნალისტებს შურვატიონ-ის მიერ ჩატარებულ კვლევასთა

რადიკალური ოპოზიცია ამზადებს მასალებს ისეთი პროგრამების გამოყენებით, რომლის მეშვეობით, ადამიანების ვიდეოგამოსახულების გაყალბებაც კი არის შესაძლებელი - ირაკლი კობახიძე

26 ოქტომბერი, 2020 , 12:45

„ქართული ოცნება - დემოკრატიული სქართველოს“ აღმასრულებელი მდივნის ირაკლი კობახიძის განცხადებით, არჩევნების დღის მოახლოებასთან ერთად, იზრდება პროვოკაციების რისკი. მისივე განცხადებით, პარტიას აქვს ინფორმაცია, რო