საზოგადოება

ბანკ „ქართუ“-ში ბიძინა ივანიშვილის და რუსი ოლიგარქების ფული თეთრდება - „ნაციონალური მოძრაობა“ ბანკთან აქციას მართავს

„ნაციონალური მოძრაობა“ „ქართუ“ ბანკის ცენტრალურ ოფისთან საპროტესტო აქციას მართავს.

პარტიის ლიდერების თქმით, სწორედ ამ ბანკში ათეთრებენ ფულს, როგორც ყოფილი პრემიერი ბიძინა ივანიშვილი, ასევე რუსი ოლიგარქები.

„ეს არის ბოროტების სასახლე, სადაც თეთრდება რუსი ოლიგარქის ფული. აქ ხდება შავი ფულის გათეთრება. მნიშვნელოვანია, რომ „ქართუ ჯგუფმა“ გამოაქვეყნოს ის შემოსავლები, თუ საიდან ღებულობს ეს კომპანია, ეს ფონდი თანხებს, რა კავშირია იარაღის ვაჭრობასა და ბიძინა ივანიშვილს შორის? თქვენ შრომობოთ, ხოლო ეს ხალხი ამ თანხას იპარავს, მათ შორის ბიუჯეტიდან. აქ ხდება ნაძარცვი თანხების გათეთრება და ყველაფერი ეს „ქართუ“-თან არის დაკავშირებული, ის ბოროტების სიმბოლოა. აქ არა მარტო ბიძინა ივანიშვილის, არამედ რუსი ოლიგარქების ფული თეთრდება“,-აღნიშნა „ნაციონალური მოძრაობის“ წევრმა ლევან ხაბეიშვილმა.

აქციაზე სამართალდამცველები არიან მობილიზებული.

მონიკა დავლიანიძე