უკან
რეგიონები
4 ნოემბერი, 2016 15:20
ბათუმის იუსტიციის სახლში მოქალაქემ ფოტო ჯიხურები დააზიანა
მოქალაქემ ბათუმის იუსტიციის სახლში ფოტო ჯიხურები ჩაქუჩით დააზიანა.
გავრცელებული ინფორმაციით, მოქალაქე ID ბარათების გაცემას აპროტესტებდა და აცხადებდა, რომ ID ბარათში 3 ექვსიანია.
ფოტო ჯიხურების დაზიანების ფაქტი მედიანიუსს შინაგან საქმეთა სამინისტროში დაუდასტურეს.
უწყების ინფორმაციით, მომხდარზე საქმე 187-ე მუხლით აღიძრა, რაც სხვისი ქონების განზრახ დაზიანებას გულისხმობს (ისჯება ჯარიმით ან საზოგადოებისათვის სასარგებლო შრომით ვადით ასიდან ასოთხმოც საათამდე ან გამასწორებელი სამუშაოთი ვადით ერთ წლამდე ანდა თავისუფლების აღკვეთით ვადით ერთიდან სამ წლამდე).
,,დაკავებულია ერთი პირი’’, - აცხადებენ უწყებაში.
ნინო ექვთიმიშვილი