უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
საზოგადოება
ბათუმში, არარსებულ მისამართზე 50-ზე მეტი ადამიანია რეგისტრირებული - „ნაციონალური მოძრაობა“
„ნაციონალური მოძრაობის“ აჭარის ორგანიზაციის წევრის, მირდატ ქამადაძის განცხადებით, ბათუმში, მამია ვარშანიძის ქუჩის მეოთხე ჩიხის საარჩევნო სიაში 50-ზე მეტი ადამიანია შეყვანილი.
ქამადაძის თქმით, „ქართული ოცნება“ ადგილობრივი თვითმმართველობის არჩევნების გაყალბებას ამ მეთოდებით ცდილობს, რაც მისი თქმით, „საარჩევნო კოდექსს“ არღვევს.
„ქართული ოცნება“ ადგილობრივი თვითმართველობის არჩევნების გაყალბებისთვის ემზადება. ამის ერთ-ერთი მაგალითია ის, რომ ახლა ბათუმში, მამია ვარშანიძის მეოთხე ჩიხში ვიმყოფებით, სადაც კონკრეტულ მისამართზე რეგისტრირებული არიან ამომრჩევლები, თუმცა ეს მისამართები ბუნებაში არ არსებობს. შესაბამისად, საარჩევნო სია მიზანმიმართულად გაზრდილია, რასაც „ქართული ოცნება“ არჩევნების გასაყალბებლად გამოიყენებს. ეს არის კანონმდებლობის უხეში დარღვევა. მამია ვარშანიძის მეოთხე ჩიხში, ნომერი 17, 19, არ არსებობს, მაგრამ ამ მისამართებზე ამომრჩევლები რეგისტრირებულია. აღნიშნულის თაობაზე ჩვენ აუცილებლად მივმართავთ საარჩევნო ადმინისტრაციას და უწყებათაშორის კომისიას, რათა მოხდეს უზუსტობის შესწავლა“, - განაცხადა მირდატ ქამადაძემ.
მონიკა დავლიანიძე