უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
საზოგადოება
„ბავშვთა სამყაროს“ დაზარალებული მოვაჭრეები შიმშილობას იწყებენ
„ბავშვთა სამყაროში“ გაჩენილი ხანძრის შედეგად დაზარალებული მოვაჭრეები შიმშილობას გეგმავენ. ამის შესახებ მათ საქართველოს „ადვოკატთა ასოციაციასთან“ ერთობლივ ბრიფინგზე განაცხადეს.
მოვაჭრე თამთა ნორაკიძის თქმით, სამთავრობო უწყებები არ დაეხმარნენ დაზარალებულებს, რის გამოც მოვაჭრეები პროტესტის უკიდურეს ზომას მიმართეს.
„იმდენად დაზარალებულები ვართ, რომ სხვა გზა აღარ გვაქვს. მივმართეთ ყველანაირ ზომას, ყველა ინსტანციაში მივედით, ყველამ გადაგვამისამართა, რომ მათი ბრალი არ არისო, არც ბანკებში არ გვაქვს არანაირი შეღავათი“, - განაცხადა ნორაკიძემ.
მოვაჭრეების ერთ-ერთი მთავარი მოთხოვნა ზარალის ანაზღაურებაა. როგორც დაზარალებულები აცხადებენ, რომ მთავრობამ არ შეასრულა თავისი დაპირება ბანკებთან შუამდგომლობის თაობაზე.
რაც შეეხება შიმშილობას, მოვაჭრეების განცხადებით, მას დღესვე პირველი სამი ადამიანი დაიწყებს, რომლებსაც 24 საათის შემდეგ სხვა სამი მოვაჭრე ჩაანაცვლებს.
საქართველოს „ადვოკატთა ასოციაციის“ ხელმძღვანელის, ზაზა ხატიაშვილის თქმით, პროტესტის ხანგძლივობა მთავრობაზე იქნება დამოკიდებული.
„ეს აქცია გაგრძელდება მანამ, სანამ არ მოხდება დაზარალეული ადამიანების მოთხოვნების შესრულება“, - განაცხადა ხატიაშვილმა.
მოვაჭრეების გადაწყვეტილებით, ისინი დღეს კარვებს გაშლიან „ბავშვთა სამყაროს“ მიმდებარე ტერიტორიაზე და შიმშილობას დაიწყებენ.
გარდა ამისა, ბრიფინგზე დაინიშნა ორი სპიკერი, რომლებიც შიმშილობის განმავლობაში მედიასთან და ხელისუფლებასთან იკონტაქტებენ.
შეგახსენებთ, რომ 30 იანვარს ხანძარი გაჩნდა „ბავშვთა სამყაროში“. ბავშვთა სამყაროს ადმინისტრაციის ინფორმაციით, ხანძრის შედეგად 1000-ზე მეტი მოვაჭრე დაზარალდა.
ანა მებურიშვილი