უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
საზოგადოება
„ბავშვთა სამყაროს“ მოვაჭრეები 19 მარტს თბილისის პარლამენტის წინ აქციას გამართავენ
„ბავშვთა სამყაროში“ გაჩენილი ხანძრის შედეგად დაზარალებული მოვაჭრეები კვირას 2 საათზე თბილისის პარლამენტის წინ აქციას გამართავენ. ამის შესახებ „საქართველოს ადვოკატთა ასოციაციის“ თავმჯდომარემ, ზაზა ხატიაშვილმა განაცხადა.
„45 დღეა შენობა გადამწვარია და დაზარალებულის სტატუსი ამ ადამიანებს არ აქვთ და ეს არის, კარგად მოგეხსენებათ, პოლიტიკური გადაწყვეტილება. ყველა ამბობს, რომ ეს ხალხი დაზარალებულია, მაგრამ ხელისუფლება და პროკურატურა ამბობენ, რომ მოწმეები არიან. ესაა სამარცხვინო და ასეთი სამარცხვინო გადაწყვეტილება მე არ მინახავს. დღეს უკვე ჩვენ გადავდივართ პერმანენტულ აქციებზე. კვირას 2 საათზე მთელ საქართველოს ველოდებით პარლამენტის წინ“, - განაცხადა ხატიაშვილმა.
„ბავშვთა სამყაროს“ მოვაჭრეებმა დღეს მთავრობის ადმინისტრაციასთან აქცია გამართეს, სადაც დაზარალებულის სტატუსის მინიჭება და ზარალის ანაზღაურება მოითხოვეს. აქციის ფარგლებში მოვაჭრეებმა რუსთაველის მეტრომდე მსვლელობა მოაწყვეს.
სავაჭრო ცენტრ „ბავშვთა სამყაროში“ ხანძარი 30 იანვარს გაჩნდა, რომლის გამო 1000-ზე მეტი მოვაჭრე დაზარალდა. გამოძიება ხანძრის გამომწვევ მიზეზებზე ამ დრომდე მიმდინარეობს.
ანა მებურიშვილი