მსოფლიო
ბებიაჩემი მუშაობს, დედაჩემი მუშაობს, მეუღლე მუშაობს, თავის გატანის პრობლემა არ მაქვს - მიხეილ სააკაშვილი (ვიდეო)
საქართველოს ექს-პრეზიდენტის, ოდესის ოლქის ყოფილი გუბერნატორის განმარტებით იგი ფუფუნებაში არ ცხოვრობს და არც არასდროს მიისწრაფოდა ფუფუნებისკენ.
ამის შესახებ სააკაშვილმა უკრაინული ტელეარხის „არტ“-ის გადაცემაში განაცხადა.
ჟურნალისტმა სააკაშვილს ჰკითხა: „ლვოვში ძვირადღირებულ სასტუმროში ცხოვრობთ, უკრაინის მასშტაბით მოგზაურობთ, პოლიტიკური პარტია გაქვთ, რა თანხებით ახერხებთ ამას?“
„პირველი, ამჟამად არც უკრაინის მოქალაქე არ ვარ. მეორე - მოკრძალებულად და ნორმალურად ვცხოვრობ და მესამე, არ მაქვს არავითარი უკანონო შემოსავალი. არასდროს არ მქონია არც ერთ ბიზნესი, არც ერთ ჩემს ნათესავს ბიზნესი არასდროს არ ქონია და არ აქვს. ჩემი ოჯახის წევრებს კარგი ხელფასი აქვთ, ბებიაჩემი მუშაობს, დედაჩემი მუშაობს, მეუღლე მუშაობს, მეც ვმუშაობდი, თქვენი კოლეგა ვიყავი ტელევიზიაში. ერთ ლექციაში შემიძლია მივიღო იმდენი, რამდენსაც ისინი ლეგალურად არც ღებულობენ. თავის გატანის პრობლემა არ მაქვს. ფუფუნებაში არ ვცხოვრობ და არასდროს მივისწრაფოდი ფუფუნებისკენ“,-განმარტა სააკაშვილმა.
მონიკა დავლიანიძე