კომენტარი

ბიძინა ივანიშვილი ათეისტია, მაგრამ იცის, კონტროლირებადი საპატრიარქო მისთვის სასარგებლოა - დავით ბერძენიშვილი (ვიდეო)

„რესპუბლიკური პარტიის“ ერთ-ერთი ლიდერის დავით ბერძენიშვილის თქმით, მას არ სურს რომ საპატრიარქო და ხელისუფლება ერთმანეთთან იყოს შეზრდილი და რომელიმე მათგანს მეორის მართვის საშუალება ჰქონდეს.

როგორც ბერძენიშვილმა "პალიტრანიუსის" გადაცემა 360 გრადუსში განაცხადა, ბიძინა ივანიშვილი ათეისტია, თუმცა მან კარგად იცის, რომ კონტროლირებადი საპატრიარქო მისთვის სასარგებლოა.

„ბიძინა ივანიშვილს ინტერვიუში აქვს ნათქვამი, რომ ათეისტია, კი არ დაუმალავს. ათეისტია, არ არის მორწმუნე, მაგრამ მან მშვენივრად იცის, რომ კონტროლირებადი საპატრიარქო მისთვის სასარგებლოა. ჩვენ არ გვინდა ხელისუფლების მიერ მართული საპატრიარქო და არ გვინდა საპატრიარქოსგან მიერ მართული პოლიტიკური სპექტრი“, - განაცხადა დავით ბერძენიშვილმა.