უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
ბიძინა ივანიშვილი და გიორგი გახარია ადასტურებენ, რომ ამ ქვეყანაში არსებობდა და არსებობს არაფორმალური მმართველობა - ანა ნაცვლიშვილი
პრეზიდენტის საპარლამენტო მდივანმა, ანა ნაცვლიშვილმა „ომეგა ჯგუფის“ საქმეზე საუბრისას განაცხადა, რომ ყოფილმა პრემიერმა ბიძინა ივანიშვილმა და შს მინისტრმა და ექს-ბიზნესომბუდსმენმა გიორგი გახარიამ დაადასტურეს, რომ ქვეყანაში მოქმედებს არაფორმალური მმართველობა.
„ჩვენ მოვისმინეთ უმძიმესი აღიარება ორი მთავარი ფიგურანტის მხრიდან - ერთი ეს არის ყოფილი პრემიერი ბიძინა ივანიშვილი და მეორე იმდროინდელი ბიზნესომბუდსმენი და ამჟამად შს მინისტრი, რომლებიც ადასტურებენ, რომ ამ ქვეყანაში არსებობდა და არსებობს არაფორმალური მმართველობა.
ამდენი წლის განმავლობაში ჩვენ ქვეყნის შიგნიდან თუ გარედან გვესმოდა არაერთი გონივრული ეჭვი საკითხთან დაკავშირებით, თუმცა ასეთი მკაფიო და ნათელი აღიარება, რომ საქართველოს კონსტიტუციური ინსტიტუტები კი არ მართავენ, არამედ არაფორმალური მმართველობაა ქვეყანაში, აქამდე არ არსებობდა. არა მგონია, თავად ფიგურანტებს კარგად ჰქონდეთ გააზრებული მათი აღიარების მძიმე შედეგები საქართველოს იმიჯისთვის“, - განაცხადა ნაცვლიშვილმა.
ცნობისთვის, „ომეგა ჯგუფისა“ და „იბერია ტვ“-ის მფლობელმა ზაზა ოქუაშვილმა 2 დღის წინანდელ ინტერვიუში ბიძინა ივანიშვილი დაადანაშაულა ფულის გამოძალვაში. მისივე თქმით, ბიზნესის რეკეტში ივანიშვილს უშუალოდ ემხარებოდა მისი „მარცხენა ხელი“ გიორგი გახარია, რომელიც მაშინ ბიზნესომბუდსმენი იყო.