კომენტარი

ბიძინა ივანიშვილი დიდი ხანია სანქციებისთვის ემზადება - სალომე სამადაშვილი

ბრიტანეთის მიერ ბიძინა ივანიშვილის სანქცირება, ევროკავშირის წევრი ქვეყნების მხრიდან ინდივიდუალურ ფინანსურ სანქციების დაწესებას გაამარტივებს, - ამის შესახებ კოალიცია „ძლიერი საქართველოს“ ერთ-ერთმა ლიდერმა სალომე სამადაშვილმა განაცხადა,

„ბიძინა ივანიშვილი დიდი ხანია, რაც სანქციებისთვის ემზადება. იცის, რომ გარდაუვალი იქნება დასავლეთის მხრიდან მისი, როგორც რუსეთის მოკავშირის დასანქცირების პროცესის გაგრძელება.

აშშ-ს სწორედ ამ მიზეზით ჰყავს დასანქცირებული, რომ ის რუსეთის და პუტინის რეჟიმის ინტერესებს ახორციელებს. დარწმუნებული ვარ, რომ ევროპასა და დიდ ბრიტანეთში ამ პროცესის გაგრძელება მისთვის დამაზიანებელი იქნება, რადგან მას ოფშორულ ზონებში დიდი რაოდენობით აქტივები ჰქონდა მობილიზებული.

ბრიტანეთის მიერ ბიძინა ივანიშვილის სანქცირება, ევროკავშირის წევრი ქვეყნების მხრიდან ინდივიდუალურ ფინანსურ სანქციების დაწესებას გაამარტივებს. არავინ არ აპირებს ურთიერთობების გადატვირთვას რუსი ოლიგარქის რეჟიმთან“, - განაცხადა სალომე სამადაშვილმა.