უკან

უახლესი ამბები

დღის კალენდარი

ანონსები

არქივი

პოლიტიკა

7 ნოემბერი, 2018 12:10
font-size

ბიძინა ივანიშვილი შეცდომას შეცდომაზე უშვებს, შეცდომების კასკადია და მე ამით კმაყოფილი ვარ - დავით ბერძენიშვილი

„რესპუბლიკური პარტიის“ ერთ-ერთი ლიდერი, დავით ბერძენიშვილის განცხადებით, თუ „ქართული ოცნების“ თავმჯდომარე ბიძინა ივანიშვილი სალომე ზურაბიშვილს ტოტალური გაყალბებითა და დაშინებით გახდის პრეზიდენტად, ეს ნიშნავს, რომ მოხდება შეკუმშული ზამბარის ძალიან მძიმედ გაწყვეტა და ივანიშვილისა და მისი ხელისუფლების ადგილი არ იქნება. ამის შესახებ მან ტელეკომპანია „პალიტრანიუსთან“ საუბრისას თქვა.

„ბიძინა ივანიშვილმა თავის გამოსვლაში გამოიყენა ქვეყნისთვის დამღუპველი ფრაზა - გაერთიანებული მოძალადეები. აქამდე იყო „ნაციონალური მოძრაობა“ მისი პარტნიორებით და ახლა გაუერთიანდა სოლიდური ხმების მქონე „ევროპული საქართველო“ და სინერგიის მქონე „რესპუბლიკური პარტია“.

ჩვენ ვეხმარებით იმ ამომრჩევლებს, რომლებიც არც „ნაციონალებს“ და არც „ქართულ ოცნებას“ არ მიეკუთვნება და არ უნდა. დღეს გვაქვს ვითარება, როცა უმცირესობას აქვს საკონტროლო პაკეტი. ისინი წყვეტენ, როგორი იქნება ძალთა ბალანსი. კარგად გვიცნობს ბიძინა ივანიშვილი, კარგად იცის ჩვენი ფასი კრიტიკულ ვითარებაში. დიდ კოალიციებში ჩვენზე არის მოთხოვნა, რადგან ყოველთვის ჩვენი წვლილი შეგვაქვს. ჩვენს მიმართ არის გაღიზიანება ჩვენი მხარდამჭერების ნაწილში, მაგრამ „ნაციონალური მოძრაობის“ მხარდამჭერებშიც იყო გაღიზიანება როცა სააკაშვილმა დაადასტურა ლევან ბერძენიშვილთან საუბარი. მაგრამ პირში წყალი აქვთ ჩაგუბებული, რადგან პარტიამ უთხრა, რომ ახლა ამის დრო არ არის.

თუ სალომე ზურაბიშვილს ტოტალური გაყალბებით, დაშინებით ბიძინა ივანიშვილი გახდის პრეზიდენტად, ეს ნიშნავს, რომ მოხდება შეკუმშული ზამბარის ძალიან მძიმედ გაწყვეტა და ბიძინა ივანიშვილისა და მისი ხელისუფლების ადგილი არ იქნება. მე არ მინდა ასეთი მკვეთრი დაპირისპირება.

სულაც არ მინდა, რომ „ნაციონალური მოძრაობის“ ყოფილი მაღალჩინოსნების როტაცია მოხდეს ახლანდელი „ქართული ოცნების“ მაღალჩინოსნებით იგივე საკნებში, მაგრამ თუ გრიგოლ ვაშაძე დაამარცხებს სალომე ზურაბიშვილს, ეს იქნება დემონტაჟისა და ხელისუფლების რბილი ცვლილების დასაწყისი. ცხადია, რომ პროგრესს ფორმალურადაც კი დაშორდა ბიძინა ივანიშვილი და დარჩა იმ ადამიანების იმედად, რომლებიც ვერასდროს ვერ გვიტანდნენ „რესპუბლიკელებს“, რადგან სოროსისტებად მიგვიჩნევდნენ იმ დროს, როცა თავის სიგრძე კომპარტიის ბარათები ედოთ ჯიბეში. ასეთ ვითარებაში ეს არის განსაკუთრებით მნიშვნელოვანი.

ფავოროტია გრიგოლ ვაშაძე და მისი გამარჯვება არის შანსი პოლიტიკური პლურალიზმისა და სახელისუფლებო კოალიციისკენ. სალომე ზურაბიშვილის გამარჯვებით ბიძინა ივანიშვილს ელის საფრთხე“, - განაცხადა ბერძენიშვილმა.

ბერძენიშვილმა ივანიშვილის შეცდომად შეაფასა ყოფილი მთავარი პროკურორის ოთარ ფარცხალაძისთვის ბრალის წარდგენა. ბერძენიშვილის განცხადებით, ხელისუფლებისთვის ნაკლებად დამაზიანებელი იქნებოდა, რომ საერთოდ არ წამოეწიათ ეს თემა.

ბერძენიშვილის თქმით, ივანიშვილი შეცდომას შეცდომაზე უშვებს, რაც მისთვის სასიხარულოა.

„ფარცხალაძისთვის ბრალის დადება უნიჭო ნაბიჯია. ბრალდებულმა თავად მოითხოვა გირაო, როცა ბრალი არ უღიარებია. ასეთი რამ არ ხდება. როგორც წესი, გირაოს ითხოვენ მაშინ, როცა გამოძიებასთან მიდის მოლაპარაკება. ბიძინა ივანიშვილი შეცდომას შეცდომაზე უშვებს, შეცდომების კასკადია და მე ამით კმაყოფილი ვარ, ვინაიდან თითოეული ხმა არის ძალიან მნიშვნელოვანი. ცალკეული ადამიანები ნელ-ნელა, საკუთარი გავლენის გამოსაყენებლად გრიგოლ ვაშაძისკენ გადადიან, მათ უკან კი ათასობით ამომრჩეველი დგას. ახლა ატირებული ივანიშვილი გამოვიდა და ყველას ყველაფერს დაპირდა, პენსიონერებს-პენსიებს, გაგდებულ, გაპანღურებულ ყოფილ აქტივისტებს, წვრილფეხობას, არც თუ მთლად წვრილფეხობას, ყველას მისცა დაპირებები“, - განაცხადა ბერძენიშვილმა.

მისივე თქმით, ფარცხალაძისთვის ბრალის წარდგენით ივანიშვილმა პიარაქციის გამართვა დააპირა.

პრემიერ-მინისტრმა ეუთოს სპეციალურ წარმომადგენელთან ოკუპირებულ რეგიონებში ბოლო პერიოდში განვითარებული მოვლენები განიხილა

21 სექტემბერი, 2019 , 14:15

საქართველოს ოკუპირებულ ტერიტორიებზე ბოლო პერიოდში განვითარებული მოვლენები აუარესებს რეგიონში უსაფრთხოების გარემოს და მნიშვნელოვანია საერთაშორისო თანამეგობრობის მხრიდან ამ საკითხის მაღალ დონეზე დაყენება როგორც საერთაშორის

დავით ბაქრაძე ვაშინგტონში სახელმწიფო დეპარტამენტში შეხვედრებს მართავს

21 სექტემბერი, 2019 , 12:55

„ევროპული საქართველოს’’ ლიდერი დავით ბაქრაძე ვაშინგტონში სახელმწიფო დეპარტამენტში შეხვედრებს მართავს. „ევროპული საქართველოდან“ ინფორმაციით, დავით ბაქრაძე სახელმწიფო მდივნის თანაშემწეს, ჯორჯ

პარლამენტმა „სახელმწიფო ინსპექტორის სამსახურის შესახებ“ საქართველოს კანონში ცვლილებები მესამე მოსმენით მიიღო

20 სექტემბერი, 2019 , 13:10

„სახელმწიფო ინსპექტორის სამსახურის შესახებ“ საქართველოს კანონში ცვლილების შეტანის თაობაზე“ კანონპროექტი პარლამენტმა დაამტკიცა. კანონი სახელმწიფო ინსპექტორის სამსახურს გამოძიების ჩატარებისა და ოპერატიულ-

პარლამენტში ქეთევან ციხელაშვილს მოუსმენენ

20 სექტემბერი, 2019 , 10:20

საქართველოს პარლამენტში მინისტრის საათის ფორმატში დღეს შერიგებისა და სამოქალაქო თანასწორობის საკითხებში სახელმწიფო მინისტრს, ქეთევან ციხელაშვილს მოუსმენენ. სახელმწიფო მინისტრი საქართველოს ოკუპირებულ ტერიტორიებთან დაკავში

„ევროპულმა საქართველო“ შეწყალებების საქმეზე გამოძიებას ითხოვს და პროკურატურას მიმართავს

19 სექტემბერი, 2019 , 16:25

„ევროპულმა საქართველომ“ შეწყალებების საქმეზე გამოძიების დაწყების მოთხოვნით პროკურატურას მიმართა. გენერალური პროკურატურისთვის გაგზავნილ წერილში, პარლამენტის დეპუტატი 28 აგვისტოს პრეზიდენტის მიერ გამოცემულ შეწყ

ნათია მეზვრიშვილი პრემიერ-მინისტრის აპარატის უფროსად დაინიშნა

19 სექტემბერი, 2019 , 12:25

შინაგან საქმეთა მინისტრის ყოფილი მოადგილე ნათია მეზვრიშვილი საქართველოს პრემიერ-მინისტრის აპარატის უფროსად დაინიშნა. ნათია მეზვრიშვილმა აღნიშნულ თანამდებობაზე გიორგი ჭოლაძე შეცვალა. ნათია მეზვრიშვილი შს მინისტრის მოადგილ

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს