საზოგადოება

ბიძინა ივანიშვილის ბიზნესცენტრთან გაკეთებული წარწერისთვის ორი აქტივისტი 1000-1000 ლარით დაჯარიმდა

სამოქალაქო ატივისტები - თამთა გოგოლაძე და შუშანა მაცაბერიძე - ბიძინა ივანიშვილის ბიზნესცენტრთან გაკეთებული წარწერისთვის 1000-1000 ლარით დააჯარიმეს. კედელზე წერია "ხმების ქურდი რუსი ოლიგარქი!"

ამის შესახებ Facebook-ზე თამთა გოგოლაძემ დაწერა.

"საპატრულოდან თუ ინსპექციიდან დამირეკეს. კოჯრის გზაზე, გვირაბში 21 ნოემბერს წარწერა გააკეთეთო და ვინაიდან აღნიშნული ტერიტორია შედის კულტურული მემკვიდრეობის ზონაში, თქვენ დაჯარიმებული ხართ 1000 ლარით და რადგან ტელეფონზე გესაუბრებით და მისმენთ, ოქმი ავტომატურად ითვლება ჩაბარებულად, შეგიძლიათ 10 დღის ვადაში გაასაჩივროთო. ბიძინას მიმდებარედ ყველა ქვა და ბეტონი რომ კულტ.მემკვიდრეიბის ძეგლად ითვლება, იცოდით?", - წერს გოგოლაძე