საზოგადოება

ბიძინა ივანიშვილის სახლთან ბავშვთა სამყაროს დაზარალებულმა მოვაჭრეებმა აქცია-პერფორმანსი მოაწყვეს

ბიძინა ივანიშვილის სახლთან ბავშვთა სამყაროს ხანძრის შედეგად დაზარალებულებმა აქცია-პერფორმანსი მოაწყვეს.

აქციის მონაწილეებმა ხელისუფლებისგან კომპენსაცია და გამოძიების ობიექტურად ჩატარება მოითხოვეს.

დაზარალებულები ხანძარს კონკრეტული პირების ინტერესებს უკავშირებენ.

„წელიწადი და 8 თვეა ჩვენ ამ მდგომარეობაში ვართ. ბიძინა ივანიშვილმა არ იცის რატომ დაიწვა, როგორ დაიწვა და ვინ დაწვა? ბიძინა ივანიშვილის გამოისობით მთელი საქართველო არის ამ მდგომარეობაში,“ - განაცხადა აქციის ერთ-ერთმა მონაწილემ და ადგილზე მიტანილ ცარიელ ქვაბებზე მიუთითა.

აქციის მონაწილეებმა ადგილზე საპრეზიდენტო კანდიდატის, სალომე ზურაბიშვილის გამოსახულებით და წარწერით "მოღალატე" პლაკატებიც მიიტანეს.