კომენტარი

ბოკერიას ჩემი მისამართით შენი ჭირიმეც რომ ეთქვა, მას ამის უფლებაც არ აქვს - ემზარ კვიციანი

გიგა ბოკერიას ჩემი მისამართით შენი ჭირიმეც რომ ეთქვა, მას ამის უფლებაც არ აქვს, - განუცხადა ჟურნალისტებს ,,საქართველოს პატრიოტების’’ წევრმა, ემზარ კვიციანმა განაცხადა.

მისი თქმით, სხდომათა დარბაზში ბოკერიასთან დაპირისპირებისას ის ემოციებს აჰყვა.

,,ბოკერიას ჩემი და რამდენიმე წელი ჰყავდა ციხეში გამოკეტილი. ვინმეს უკვირს რომ გაღიზიანებას გამოიწვევდა მის მიერ ჩემი მისამართით წარმოთქმული სიტყვა? ბოკერიას ჩემი მისამართით შენი ჭირიმეც რომ ეთქვა, მას ამის უფლებაც არ აქვს. დამნაშავეებმა არ აგეს პასუხი ამ ქვეყანაში. ეს იყო ემოცია და მე მოსახლეობას ბოდიში მოვუხადე. მინდა მივმართო ხელისუფლებას, ნუ უბიძგებთ მოსახლეობას შურისძიებისკენ. აღადგინეთ სამართლიანობა'', - განაცხადა კვიციანმა.

დეპუტატებს - ემზარ კვიციანსა და გიგა ბოკერიას შორის დაპირისპირება დღეს პარლამენტის პლენარულ სხდომაზე მოხდა.

ნინო ექვთიმიშვილი