საზოგადოება

ბორჯომის ხეობაში სპეციფიკური სუნის მქონე ბოთლის ნამსხვრევები იპოვეს

დღეს ბორჯომის ხეობაში მოხალისემ დათო ქაცარავამ ბოთლის ნამსხვრევები იპოვა. მისი აღწერით ნაპოვნ ნივთს სპეციფიკური სუნი ჰქონდა. ქაცარავამ არ გამორიცხა დივერსიის შესაძლებლობა.

„საქეიფო ადგილი ნამდვილად არ არის, ვინც მეტყვის რომ საქეიფო ადგილია, მას მე თვითონ დავპატიჟებ აქ საქეიფოდ. ამ ბოთლის ნატეხებს უცნაური სპეციფიკური სუნი ჰქონდა, ანუ ამ ნატეხებს არ ჰქონდათ ღვინის სუნი, არც რაიმე სხვა. სანამ ექსპერტიზა არ იტყვის ამაზე თავის საბოლოო პასუხს, რაიმეზე საუბარი რთულია, თუმცა ჩემი პირადი სუბიექტური აზრით, დიახ, ადგილი აქვს დივერსიას, მასშტაბურ დივერსიას“, - განუცხადა ქაცარავამ „კურიერს“.

ქაცარავა უკვე დაიბარეს გამოკითხვაზე პოლიციის განყოფილებაში.

შეგახსენებთ, გუშინ ბორჯომის ხეობაში მოხალისედ წასულმა აკა სინჯიკაშვილმა ბენზინის 20-ლიტრიანი ავზი იპოვა. ის გუშინ დაკითხეს.

ანა მებურიშვილი