მსოფლიო

ბრიუსელში ანტიტერორისტული რეიდის შედეგად 7 ადამიანი დააკავეს

ანტიტერორისტული სპეცოპერაციის ფარგლებში ბრიუსელში 7 ადამიანი დააკავეს.

განცხადებას ბელგიის პროკურატურა ავრცელებს.

„გამოძიება უკავშირდება სირიელ ბოევიკებთან შესაძლო თანამშრომლობის ფაქტს“, - ნათქვამია განცხადებაში.

როიტერი წერს, რომ ოპერაცია 8 სხვადასხვა ადგილას ტარდებოდა და 2016 წლის მარტში ბრუსელსა და 2015 წლის ნოემბერში პარიზში მომხდარ ტერაქტებთან საერთო არ აქვს.

2016 წლის 22 მარტს ბრუსელში ტერაქტების სერია მოხდა. ორი ბომბი აფეთქდა აეროპორტში, მესამე მეტროსადგურ „მაალბეკთან“ ამოქმედდა. აეროპორტში კიდევ ერთი ბომბი იყო, მაგრამ არ აფეთქულა. ტერაქტებს 32 ადამიანი ემსხვერპლა.

ბელგიაში რეგულარულად ტარდება ანტიტერორისტული რეიდები და ჯიჰადისტთა შესაძლო მხარდამჭერთა დაკავება.

ანა მებურიშვილი