საზოგადოება

ჩემ მიმართ ჰქონდათ პრეტენზია, თითქოს დინამოს სტადიონზე კლუბი არსებობს, სადაც ნარკოტიკული საშუალებები იყიდება - ლევან კობიაშვილი

ეს პირველი შემთხვევა არ არის, როდესაც ამ ადამიანებს ჩემს მიმართ აქვთ ასეთი რეაქცია და აბსურდული ბრალდებები აქვთ, - განაცხადა ფეხბურთის ფედერაციის პრეზიდენტმა, ლევან კობიაშვილმა ტვ ,,პირველის“ გადაცემაში - ,,რეაქცია“ სტუმრობისას და აღნიშნულით ,,ქართული მარშის“ წევრების მხრიდან მისი გადადგომის მოთხოვნას გამოეხმაურა.

,,რამდენიმე ხნის წინ იყო, როდესაც ჩემ მიმართ ჰქონდათ პრეტენზია, თითქოს დინამოს სტადიონზე კლუბი არსებობს, სადა ნარკოტიკული საშუალებები იყიდება. ვითომ, მე ამას ხელს ვუწყობ და მე ვდგავარ ამის უკან, იმიტომ, რომ მე ვარ ფეხბურთის ფედერაციის პრეზიდენტი.

დინამოს სტადიონს ჰყავს თავისი მეპატრონე და ჩემი, როგორც ფეხბურთის ფედერაციის პრეზიდენტის კავშირი ამ თემასთან, აბსურდია უბრალოდ. ამიტომ, ეს პირველი შემთხვევა არ არის, როდესაც ჩემ მიმართ არის ასეთი უსაფუძვლო ბრალდებები“, - განაცხადა ლევან კობიაშვილმა.

ცნობისათვის, ,,ქართული მარშის“ წევრებმა ლევან კობიაშვილის თანამდებობიდან გადადგომის მოთხოვნა მას შემდეგ წამოაყენეს, რაც ამ უკანასკნელმა ლგბტ თემის სამკლაურის გაკეთების საკითხზე ფეხბურთელ გურამ კაშიას მხარდაჭერა გამოუცხადა.