უკან

უახლესი ამბები

დღის კალენდარი

ანონსები

არქივი

პოლიტიკა

22 მარტი, 2018 14:45
font-size

ჩემი შვილის წინააღმდეგ უმსგავსო კამპანია აგორდა - დავით ზურაბიშვილი გიორგი გახარიასა და ვახტანგ გომელაურს მიმართავს

რესპუბლიკური პარტიის წევრმა დავით ზურაბიშვილმა პოლიციელთა მხრიდან თავისი შვილის , გიორგი ზურაბიშვილის მიმართ მუქარის გამო შს მინისტრ გიორგი გახარიასა და სახელმწიფო უსაფრთხოების სამსახურის უფროსს, ვახტანგ გომელაურს მიმართა.

პოლიტიკოსის თქმით, მუქარები მას შემდეგ დაიწყო, რაც მისმა შვილმა გააპროტესტა მამუკა ბერძენიშვილის დაკავება, რომელსაც 2 გრამი MDMA-ს ფლობისთვის 8 წელი მიესაჯა.

ზურაბიშვილმა მოითხოვა, ყველა იმ პირების დასჯას, ვინც დგას მუქარის შემცველი განცხადებების უკან.

„საქართველოს შინაგან საქმეთა მინისტრს, ბ-ნ გიორგი გახარიას.

საქართველოს სახელმწიფო უსაფრთხოების სამსახურის (სუს) უფროსს, ბ-ნ ვახტანგ გომელაურს.

მსურს, მოგმართოთ სრულიად ოფიციალურად იმ უმსგავსო კამპანიასთან დაკავშირებით, რაც ფეისბუქის მეშვეობით აგორდა ჩემი შვილის, გიორგი ზურაბიშვილის მიმართ მოგახსენებთ, რომ ჩემი შვილი, გიორგი ზურაბიშვილი არის საკმაოდ ცნობილი სპორტული ჟურნალისტი, რომელიც არ არის არცერთი პოლიტიკური პარტიის წევრი და საერთოდ შორს დგას პარტიულ-პოლიტიკური საქმიანობისგან. ამის აღნიშვნა შესაძლოა ზედმეტიცაა, მაგრამ მაინც ვაფიქსირებ, მერე რომ არ იყოს ლაპარაკი რაიმე პოლიტიკურ სპეკულაციებზე.

იმავდროულად, გიორგი, ისევე როგორც არაერთი ჩვენი თანამოქალაქე, ბუნებრივია, მონაწილეობს სხვადასხვა ტიპის სამოქალაქო აქტივობებში. კერძოდ ის, თავის მეგობრებთან ერთად ხშირად აპროტესტებს ხოლმე არსებულ ნარკოპოლიტიკასა და ნარკოტიკის მოხმარების გამო ადამიანების ციხეში გამომწყვდევის დრაკონულ პრაქტიკას, რაშიაც, ის ცხადია მარტო არ არის და მსგავსი შეხედულება აქვს ათასობით ჩვენს თანამოქალაქეს.

ამჯერადაც მან გააპროტესტა ის ფაქტი, როდესაც მის მეგობარს ორ გრამამდე ემდიემეის ფლობისთვის მიუსაჯეს რვა წლით თავისუფლების აღკვეთა. აქვე შეგახსენებთ, რომ ამგვარი სასჯელის სისასტიკესა და არაადამიანურობას საქართველში არ უარყოფს არავინ, მათ შორის ისინიც, ვინც ნარკოტიკების მოხმარების დეკრიმინალიზაციას დიდად არ ემხრობიან. პრაქტიკულად ყველა თანხმდება, რომ არსებული კანონმდებლობა უვარგისია და მისი ჰუმანიზაციაა საჭირო, თუმცა, ამ ამბავს და შესაბამისი კანონპროექტის მიღებას რომ დღემდე არ დაადგა საშველი, ეს კიდევ ცალკე პრობლემაა.

პრობლემა პრობლემად და რაც გიორგის მიერ მისი მეგობრის პატიმრობის გაპროტესტებას მოჰყვა, ის უკვე საერთოდ არაფერში არ ჯდება. მისი ფოსტა ორი დღეა წაილეკა ანონიმი და ე. წ. ფეიკექაუნთების მქონე პირების მხრიდან ლანძღვა-გინებითა და მუქარებით. თან ეს ხალხი იგინება და იმუქრება პოლიციის და ხელისუფლების სახელით.

აქვე აღვნიშნავ, რომ მსგავსი შემოტევები სოციალურ ქსელში, მსგავსი აგრესია და ლანძღვა-გინება პოლიციის სახელით არ არის პირველი შემთხვევა და პერიოდულად ხორციელდება ხოლმე სწორედ იმ ადამიანების მიმართ, ვინც მტკიცედ და მკვეთრად აკრიტიკებს არსებული ნარკოპოლიტიკის არაადამიანურ პრაქტიკას, რაც გვაფიქრებინებს, რომ ადგილი აქვს ორგანიზებულ და ორკესტრირებულ კამპანიას, რომელიც ხორციელდება სწორედ ძალოვანი სტრუქტურების წიაღში.

ყოველივე ზემოთქმულიდან გამომდინარე კატეგორიულად ვითხოვ:

ა) აღიძრას სისხლის სამართლის საქმე ძალოვანი სტრუქტურების სახელით ადამიანების მიზანმიმართული, ფსიქოლოგიური ტერორიზირების ფაქტის გამო.

ბ) გამოვლენილი (კონკრეტულად, სახელებითა და გვარებით) და უმკაცრესად დასჯილი იქნენ ის პირები, ვინც ამ უმსგავსოებას სჩადის. როგორც შემსრულებლები, ისე ორგანიზატორები.

P. S. აქვე ვაშეარებ რამდენიმე მესიჯს, სადაც ეს თავხედი ნაძირლები უკვე ემუქრებიან არა მხოლოდ გიორგის, არამედ მისი ფეისბუქსტატუსის კომენტატორებსაც“, - წერია განცხადებაში.

შსს ყველაფერს გააკეთებს იმისთვის მთავრობასთან ერთად, რომ ინაუგურაციის დროს არ იყოს რაიმე ექსცესები დაშვებული - თეა წულუკიანი

14 დეკემბერი, 2018 , 17:20

იუსტიციის მინისტრმა თეა წულუკიანმა ინაუგურაციის დღეს გაერთიანებული ოპოზიციის მიერ თელავის ცენტრში დაანონსებულ აქციაზე საუბრისას განაცხადა, რომ ხელისუფლება ინაუგურაციის დღეს ექსცესების თავიდან აცილების მიზნით ყველაფერს გა

საქართველოსა და უნგრეთის იუსტიციის სამინისტროებს შორის მემორანდუმი გაფორმდა

14 დეკემბერი, 2018 , 16:45

იუსტიციის მინისტრმა თეა წულუკიანმა უნგრელ კოლეგა ლასლო ტროჩანთან ხელი მოაწერა ურთიერთთანამშრომლობის შესახებ მემორანდუმს. თბილისში ხელმოწერილი მემორანდუმი მიზნად ისახავს თანამშრომლობის გაძლიერებასა და გამოცდილების გაზიარე

ინაუგურაციის წესში ცვლილებები შევიდა

14 დეკემბერი, 2018 , 16:40

საინაუგურაციო პროტოკოლისა და წესების შესახებ პრეზიდენტის ბრძანებულებაში ცვლილება შევიდა. განცხადება პრეზიდენტის ადმინისტრაციამ ცოტა ხნის წინ გაავრცელა. მოქმედმა პრეზიდენტმა გიორგი მარგველაშვილმა იმ ბრძანებულებაში შეიტანა

აუცილებლად იქნება უზრუნველყოფილი გუნდის განახლება, ახალი სისხლი, ეს არის ძალიან მნიშვნელოვანი - ირაკლი კობახიძე

14 დეკემბერი, 2018 , 16:00

პარლამენტის თავმჯდომარის, ირაკლი კობახიძის თქმით, გუნდის განახლება აუცილებლად მოხდება. „გახსოვთ, რომ 2015 წელს, ასევე დავაანონსეთ გუნდის განახლება, მაშინ ორი წლის თავზე საპარლამენტო არჩევნებისთვის. ამის შედეგები იხ

იქნებ დავიწყოთ 1993 წელს რუსეთსა და საქართველოს შორის დადებული ხელშეკრულების დენონსირების პროცესი - აკაკი ზოიძე დიმიტრი მედოევის განცხადებაზე

14 დეკემბერი, 2018 , 16:00

პარლამენტის ჯანდაცვის კომიტეტის თავმჯდომარის, აკაკი ზოიძის აზრით, 1993 წელს საქართველოსა და რუსეთს შორის გაფორმებული ხელშეკრულების დენონსირების პროცესი უნდა დაიწყოს. აკაკი ზოიძე პარლამენტის სხდომაზე, სადაც საგარეო ურთიერ

„ნაციონალურმა მოძრაობამ“ და „ევროპულმა საქართველომ“ ცესკოში სხდომა პროტესტის ნიშნად დატოვეს

14 დეკემბერი, 2018 , 16:00

ცესკომ პრეზიდენტის არჩევნების მეორე ტურის შედეგები შეაჯამა. შეხვედრა "ნაციონალურმა მოძრაობამ" და "ევროპულმა საქართველომ" პროტესტის ნიშნად დატოვეს. შედეგების შეჯამების შემდეგ ცენტრალური საარჩევნო კომისიის პრესსპიკერი, ანა

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`